Valin’ny Fanontanianareo

◼ Tokony hisaron-doha ve ny vehivavy rehefa mampianatra Baiboly eo am-baravarana raha lehilahy mpitory no namany?

Tokony hanao saron-doha ny vehivavy mpitory raha efa mianatra tsy tapaka ilay olona ampianariny nefa misy lehilahy mpitory eo. (1 Kor. 11:3-10) Hoy Ny Tilikambo Fiambenana 15 Jolay 2002, pejy faha-27: “Fotoam-pianarana efa nomanina izy io, ka ilay tompon’ny fampianarana no tena mitarika. Manjary anisan’ny fandaharan’ny fiangonana io fampianarana io amin’izay. Tokony hisaron-doha ny anabavy vita batisa mitarika fampianarana, raha miaraka amin’ny rahalahy vita batisa.” Mbola mihatra izany na any an-trano ilay fampianarana no atao, na eo am-baravarana, na any an-toeran-kafa.

Tsy voatery manao saron-doha anefa ny anabavy miara-manompo amin’ny lehilahy mpitory raha mbola tsy fampianarana Baiboly ilay izy. Tsy mila manao saron-doha izy na dia ny hampiseho ny fomba fianarana Baiboly na ny hiara-midinika boky na bokikely fianarana aza no tanjona amin’ilay fiverenana mitsidika eo am-baravarana. Elaela vao lasa fampianarana Baiboly tsy tapaka ny fianarana atao eo am-baravarana, izany hoe mila miverimberina imbetsaka ilay mpitory. Mila mijery ny zava-misy sy mahay mandanjalanja àry ny mpitory mba hahitany hoe rehefa inona no ilaina ny saron-doha.