“Tsy Tao Indray Izy!”

Efa niteny toy izany ve ianao rehefa nisy olona liana notsidihinao nefa tsy tratranao foana? Tsy afaka manondraka ny voan’ny fahamarinana nambolenao ianao, na dia efa miverimberina mitsidika an’ilay olona aza. (1 Kor. 3:6) Izao no ataon’ny mpitory za-draharaha sasany rehefa tsy tratrany ilay olona: Manoratra taratasy izy na mamela hafatra kely eo am-baravarana. Misy indray maka ny nomeraon’ilay olona, raha atahorany hoe tsy ho ao izy amin’ny manaraka. Anontaniany, ohatra, izy hoe: “Manana telefaonina ve ianao?” Isaky ny manoratra taratasy na e-mail na SMS isika, na mamela hafatra eo am-baravarana, na mitelefaonina an’ilay olona, dia azo isaina ho fiverenana mitsidika iray izany. Azontsika atao foana àry ny manampy ny olona ho liana kokoa, na dia tsy ao an-tranony matetika aza izy.