Mazotoa Mandrisika ny Hafa Hanao Asa Tsara!

Mampirisika antsika “hifampihevitra mba handrisika ho amin’ny fitiavana sy ny asa tsara” ny Hebreo 10:24. Mandrisika ny rahalahintsika isika rehefa manome modely tsara ho azy ireo sy mampiseho hoe manam-pinoana. Tantarao amin’izy ireo ny zavatra mampahery niainanao. Asehoy azy ireo hoe faly ianao manompo an’i Jehovah, nefa aza mampitaha azy ireo aminao na amin’ny hafa. (Gal. 6:4) Ampiasao ny zavatra tsara vitanao mba handrisihana ny hafa ho amin’ny “fitiavana sy ny asa tsara”, fa tsy hahatonga azy hanamelo-tena no sady hanao asa tsara. (Jereo ny boky Sekolin’ny Fanompoana, pejy 158, fehintsoratra 4.) Rehefa mandrisika ny hafa ho amin’ny fitiavana isika, dia ho voatosika hanao asa tsara izy, ohatra hoe hitory na hanampy olona.—2 Kor. 1:24.