NY FIAINANTSIKA KRISTIANINA
Aza Hadinoina ny Mivavaka ho An’ireo Kristianina Enjehina
Efa nilaza ny Baiboly fa hanenjika antsika i Satana, satria te hanakantsakana ny fanompoantsika izy. (Jn 15:20; Ap 12:17) Ahoana àry no azontsika anampiana an’ireo Kristianina enjehina any an-tany hafa? Mivavaha ho azy ireo. “Misy heriny lehibe sady tena misy vokany ny fitalahoan’ny olo-marina.”—Jk 5:16.
Inona no azontsika angatahina amin’i Jehovah ho an’ireny rahalahy sy anabavintsika ireny? Ny hanampiany azy ireny hanana herim-po sy tsy hatahotra. (Is 41:10-13) Mivavaha koa ho an’ny manam-pahefana mba tsy handraran’izy ireo ny asa fitoriana, ka “hananantsika fiainana tony sy milamina hatrany.”—1Ti 2:1, 2.
Nivavaka ho an’i Paoly sy Petera ny Kristianina voalohany, rehefa nenjehina izy roa lahy. Notononiny mihitsy ny anaran’izy ireo. (As 12:5; Ro 15:30, 31) Tsy haintsika daholo anefa ny anaran’ireo enjehina ankehitriny. Afaka manonona ny anaran’ny fiangonana, tany, na faritra misy azy ireny anefa isika rehefa mivavaka.