NY FIAINANTSIKA KRISTIANINA
Miderà An’i Jehovah Raha Mbola Velon’aina!
Fanomezana sarobidy avy amin’i Jehovah ny aina. Ny zavatra ataontsika isan’andro no ahitana raha mankasitraka azy io isika na tsia. Vavolombelon’i Jehovah isika, ka miezaka mampiasa ny talentantsika sy ny fahaizantsika mba hanomezam-boninahitra an’ilay Mpanome aina. (Sl 36:9; Ap 4:11) Maro anefa ny zavatra mampanahy eto amin’ity tontolo ratsy ity, ka mety ho mora lasa tsirambina ny zavatra ara-panahy. (Mr 4:18, 19) Saintsaino àry hoe: ‘Tena manome ny tsara indrindra ho an’i Jehovah ve aho? (Ho 14:2) Misy vokany amin’ny fanompoako ve ny asako? Inona avy ny tanjona ara-panahy tiako hotratrarina? Ahoana no azoko ampitomboana ny fanompoako?’ Mivavaha raha hitanao hoe mbola misy azo hatsaraina, ary manaova fanitsiana. Ho faly sy ho afa-po ianao raha midera an’i Jehovah isan’andro.—Sl 61:8.
Omenao an’iza ny talentanao?
JEREO ILAY VIDEO HOE AMPIASAO HO AN’I JEHOVAH NY TALENTANAO, ARY VALIO IRETO:
Nahoana ianao no tsy tokony hampiasa ny talentanao ho an’ny tontolon’i Satana? (1Jn 2:17)
Inona no fitahiana ho azon’izay manome ny tsara indrindra ho an’i Jehovah?
Inona no karazam-panompoana mety ho azonao ampiasana ny talentanao sy ny fahaizanao?