HARENA AVY AO AMIN’NY TENIN’ANDRIAMANITRA | LIOKA 10-11
Fanoharana Momba An’ilay Samaritanina Tsara Fanahy
Nilaza an’io fanoharana io i Jesosy, rehefa nisy nanontany azy hoe: “Fa iza marina moa no namako?” (Lk 10:25-29) Fantatr’i Jesosy mantsy fa ho lasa anisan’ny fiangonana kristianina ny “karazan’olona rehetra”, anisan’izany ny Samaritanina sy ny hafa firenena. (Jn 12:32) Nampianatra ny mpanara-dia azy àry izy hoe tokony ho tia ny olon-drehetra izy ireo, anisan’izany ny olona tsy mitovy fiaviana na kolontsaina amin’izy ireo.
SAINTSAINO IZAO:
‘Ahoana no fiheverako an’ireo rahalahy sy anabavy tsy mitovy fiaviana amiko?’
‘Izay mitovitovy amiko ihany ve no tena iarahako?’
‘Vonona hifandray kokoa amin’ireo Kristianina tsy mitovy fiaviana na saranga amiko ve aho?’ (2Ko 6:13)
Iza no tiako hasaina mba...
hanompo miaraka amiko?
hisakafo any aminay?
hanao Fotoam-pivavahan’ny Fianakaviana miaraka aminay?