“Nitelina ny Renirano” ny Tany

Betsaka ny manam-pahefana efa nanampy ny vahoakan’i Jehovah. (Ezr 6:1-12; Es 8:10-13) Hitantsika izany na amin’izao aza. Antsoina hoe “tany” ny manam-pahefana malala-tsaina, ao amin’ny Apokalypsy 12:16. Toy ny hoe mitelina ny “renirano”, na ny fanenjehana ataon’i Satana, izy ireo satria manampy ny vahoakan’i Jehovah. “Andriamanitra mpamonjy” i Jehovah, ka mampiasa ny mpitondra izy indraindray mba hanampy ny vahoakany.—Sl 68:20; Oh 21:1.

Ahoana anefa raha migadra noho ny finoanao ianao? Tadidio foana hoe tena miahy anao i Jehovah. (Ge 39:21-23; Sl 105:17-20) Matokia fa hamaly soa anao izy noho ianao manam-pinoana. Tena mampahery an’ireo rahalahy maneran-tany koa ny tsy fivadihanao.—Fi 1:12-14; Ap 2:10.

ALEFASO ILAY VIDEO HOE NAFAHANA AVY TANY AM-PONJA NY RAHALAHY KOREANINA, ARY VALIO IRETO:

• Rahalahy an’arivony no nigadra tany Korea Atsimo, nandritra ny taona maro. Nahoana?

• Inona ny fanapahan-kevitra noraisin’ny manam-pahefana, ka nahatonga an’ireo rahalahintsika hahazo famotsoran-keloka?

• Inona no azontsika atao mba hanampiana an’ireo rahalahintsika migadra noho ny finoany?

• Ahoana no tokony hampiasantsika ny fahafahana ananantsika?

• Iza no tena mahatonga antsika handresy eny amin’ny fitsarana?