“Nianatra Nankatò” i Jesosy

Efa nankatò an’i Jehovah foana i Jesosy. (Jaona 8:29) Nahoana àry ny Baiboly no miteny hoe: “Nianatra nankatò avy tamin’ny zavatra niaretany” izy?​—Heb. 5:8.

Niaina zavatra mbola tsy niainany tany an-danitra mihitsy i Jesosy tamin’izy teto an-tany. Tsy lavorary izao ny ray aman-dreniny na dia tia an’i Jehovah aza. (Lioka 2:51) Nampijaly azy koa ny mpitondra fivavahana ratsy saina sy ny manam-pahefana. (Mat. 26:59; Mar. 15:15) Ankoatra izay, dia nijalijaly be mihitsy izy talohan’ny nahafatesany. Milaza ny Baiboly hoe ‘nanetry tena izy ary nankatò ka nanaiky ho faty mihitsy aza.’​—Fil. 2:8.

Ireny zavatra niainan’i Jesosy ireny no nampianatra azy hankatò amin’ny fomba hafa indray tamin’izy teto an-tany. Lasa mahay mangoraka antsika izy dia mety tsara raha atao Mpanjaka sy Mpisoronabe. (Heb. 4:15; 5:9) Vao mainka sarobidy amin’i Jehovah i Jesosy rehefa nianatra nankatò avy tamin’ny zavatra niaretany. Hoatr’izany koa isika. Vao mainka isika ho sarobidy amin’i Jehovah sady azony ampiasaina tsara rehefa mankatò foana na dia miatrika olana aza.​—Jak. 1:4.