Mpanao Politika Tsy Manao ny Marina: Inona no Hataon’ny Fanjakan’Andriamanitra?

Te hanana mpitondra azo itokisana ny vahoaka satria efa leo ny mpanao politika tsy manao ny marina. Araka ny fanadihadiana eran-tany, navoaka tamin’ity taona 2023 ity, dia ny mpitondra fanjakana no tsy atokisan’ny olona indrindra.a

Miresaka fitondrana iray ny Baiboly, ary azo itokisana sy manao ny marina foana ny Mpitondra azy io. Ny Fanjakan’Andriamanitra io fitondrana io, dia i Jesosy Kristy no Mpitondra azy io.​—Isaia 9:7.

Nasehon’i Jesosy tamin’ny zavatra nataony hoe tena miahy ny olona izy. (Matio 9:35, 36) Mpanjaka ny Fanjakan’Andriamanitra izy, dia tsy ho ela izy dia hampanjaka ny rariny ary hanome fiadanana ho an’izay rehetra manaiky ny fitondrany.​—Salamo 72:12-14.