Iza no Azonao Atokisana? Inona no Lazain’ny Baiboly?

Kivy ny olona rehefa mandiso fanantenana azy ny olona natokisany. Betsaka no tsy matokitoky intsony ny...

• mpanao politika mitady ny tombontsoany manokana fa tsy mba mitsinjo ny vahoaka.

• filazam-baovao mitatitra vaovao diso sy mitanila.

• mpahay siansa tsy mitady izay hahasoa ny sarambabem-bahoaka.

• mpitondra fivavahana midikiditra be amin’ny politika, nefa izy tokony hisolo tena an’Andriamanitra.

Ara-dalàna ny olona raha mitandrina tsara hoe iza no hametrahany ny fitokisany. Milaza mantsy ny Baiboly hoe:

• “Aza mametraka ny fitokianareo amin’ny mpanapaka, na amin’ny zanak’olombelona izay tsy mahavonjy.”​—Salamo 146:3, Fandikan-teny Katolika.

Olona azonao atokisana

Resahin’ny Baiboly hoe misy olona iray azonao atokisana. Iza izany? I Jesosy Kristy. Tsy hoe olona tsara niaina efa tamin’ny ela be fotsiny izy. Notendren’Andriamanitra “ho Mpanjaka” izy, sady “tsy hifarana mihitsy ny Fanjakany.” (Lioka 1:32, 33) Mpanjakan’ny Fanjakan’Andriamanitra àry izy, ary efa mitondra any an-danitra io Fanjakana io izao.​—Matio 6:10.

• Raha tianao ho fantatra hoe nahoana ianao no afaka matoky an’i Jesosy, dia vakio ilay lahatsoratra hoe “Iza no Mpanjakan’ny Fanjakan’Andriamanitra?” sy ilay hoe “Inona no Hataon’ny Fanjakan’Andriamanitra?”