Hataon’i Jesosy Tsy Misy Intsony ny Fahantrana

Nasehon’i Jesosy tamin’izy teto an-tany hoe tena tia olona izy, indrindra fa ny olona mahantra sy mijaly. (Matio 9:36) Nafoiny ho an’ny olona mihitsy aza ny ainy. (Matio 20:28; Jaona 15:13) Hasehon’i Jesosy indray tsy ho ela hoe tena tiany ny olona. Efa Mpanjakan’ny Fanjakan’Andriamanitra mantsy izy izao, dia hataony tsy misy fahantrana intsony eran-tany.

Tsara be ny fomba ilazan’ny Baiboly ny zavatra hataon’i Jesosy:

• “Aoka izy hiaro ny madinika eo amin’ny vahoaka, sy hamonjy ny zanaky ny mahantra.”​—Salamo 72:4.

Ahoana no ampisehoantsika hoe ankasitrahantsika izay efa nataon’i Jesosy sy izay mbola hataony ho antsika? Manao an’izany isika rehefa miezaka hahafantatra bebe kokoa an’ilay hafatra notoriny, izany hoe “ny vaovao tsaran’ny Fanjakan’Andriamanitra.” (Lioka 4:43) Vakio ilay lahatsoratra hoe “Inona ny Fanjakan’Andriamanitra?”