Mihamazava ny Lalantsika

1. Manjaka any an-danitra izao ny Mesia,

Hanavotra ny zavaboary.

Ny fanahy no nampahafantatra izany,

Ny marina niharihary.

Kanefa taloha tsy nambara izany,

Tsy fantatr’ireo mpaminany.

Koa sambatra isika satria mahalala,

Ny anjely aza liana am’izany!

2. Dia nisy mpanompo nasaina hanome

Sakafo tena ara-potoana.

Nitombo sy nazava ny marina,

Rehefa nandeha ny fotoana.

Tsy maizina intsony ny lalan-kaleha,

Vao mainka mazava izao.

I Jehovah no loharanon’izany,

Ka izy no ankasitraho.