Fantaro ireo zavatra vita an-tsoratra vao navoaka tamin’ny fivoriamben’ny distrika
1 Tonga hanampy ny tahirin-tsakafontsika ara-panahy tondraka ny zavatra vita an-tsoratra vaovao roa: boky iray sy bokikely iray ary Indeksa. Ireo zavatra vita an-tsoratra navoaka tamin’ny Fivoriamben’ny Distrika “Ny Fiteny Madio” ireo dia tsy isalasalana fa hanana anjara asa mahery eo amin’ny fanompoantsika ka hanampy antsika rehetra hiteny ny fiteny madio mazava kokoa.—Zef. 3:9, MN.
2 Fahagagana nahafaly toy inona moa ny nandre ny fivoahan’ny Index des publications de la Société Watch Tower 1950-1985 (Indeksan’ireo zavatra vita an-tsoratry ny Fikambanana Watch Tower 1950-1985) amin’ny boky iray monja! Azo antoka fa ho fanampiana lehibe ho antsika izy io amin’ny fikarohana ataontsika ary hanaitra ny faniriantsika hianatra manokana.
3 Nanambara toy izao ny mpandahateny raha nampiseho ilay bokikely vaovao: “Anontaniana antsika matetika rehefa mitory isika, na isan-trano izany, na amin’ny fiverenana mitsidika, na mandritra ny fampianarana Baiboly, ny antony tsy andraisantsika ra. Mba hanampiana anao hamaly izany fanontaniana izany, dia mahafaly anay ny mampiseho zavatra vita an-tsoratra vaovao iray. Izany dia bokikely mitovy velarana amin’ny gazety mitondra ny lohateny hoe “Comment le sang peut-il vous sauver la vie?” Nifankazatra tamin’ireo hevitra iankinan’ny aina ao anatin’io bokikely io ve ianao tamin’ny famakiana azy amim-pitandremana? Tena ilaina ny hanaovanao izany mba hanatanjaka ny finoanao manokana sy mba hiomananao hanampy ny hafa hahatakatra ny fomba fijery kristiana momba ny ra.—Asa. 15:28, 29).
4 Mahatonga anao ho tsara fitaovana kokoa mba hanazava ny toerana misy anao sy ny fanirianao amin’ny mpitsabo rehetra io bokikely misy fanamarihana fanaporofoana maro io. Na dia izany aza dia tsy natao voalohany indrindra ho an’ny mpitsabo na ny mphahay lalàna io bokikely vaovao io. Natokana sy nosoratana indrindra ho an’ny olona rehetra izy io. Ho hitanao ny hoe amin’ny ahoana ny zava-kendreny roa sosona no mety hahatonga azy io ho fitaovana faran’izay sarobidy natao eo am-pelatanantsika amin’ny andro ankehitriny. Ampirisihinay ianao hitondra iray na roa aminy any aminao rehefa manao fanompoana. Ampiasao amin’ny fomba feno ho tombontsoanao manokana sy hanampianao ny hafa haneho fanajana ny ra mendrika azy ireo fanazavana sarobidy ao anatiny.
BOKY VAOVAO IRAY
5 Eritrereto ny hasarobidin’ny boky vaovao L’humanité à la recherche de Dieu amin’ny fanampiana antsika eo amin’ny fanompoantsika. Hanome antsika fahatakarana mazava kokoa ny amin’ireo fivavahana hafa sy ny tantarany tamin’ny lasa ny fianarana azy io. Hanampy antstika ho voaomana tsara kokoa hitory amin’ny olona ao amin’ny fivavahana lazaina fa kristiana sy ireo mpanaraka fivavahana hafa rehetra izy io. Noho ireo fifindra-monina maro mandritra izao taonjato faha-20 izao dia mety hahita olona avy amin’ny fiteny sy fivavahana samihafa isika rehefa mitory isan-trano. Mahaforona tena fihaikana izany raha tsy nifankazatra tamin’ny finoana sy ny fomban’izany olona izany isika. Noho ny fanampian’io boky vaovao io dia tsy tokony hahatsiaro ho sanganehana isika rehefa mihaona amin’olona manana zavatra inoana ara-pivavahana samy hafa ao amin’ny faritanintsika.
6 Nokarohina sy nohamarinin’olona mahay tsara ireo hevitra dinihina ao ny fanazavana ao amin’io boky vaovao io. Araka izany dia afaka miresaka amim-pahasahiana isika rehefa mampiasa ny fanambarana hita ao amin’io boky io. Tsy isalasalana fa ny fanomezana fanazavana toy izany amin’ny andro ankehitriny dia porofo hafa koa mampiseho ny fitiavana lehiben’i Jehovah ny olona avy amin’ny firenena rehetra. Aoka àry isika hiara-miezaka mba hifankazatra tsara amin’io zavatra vita an-tsoratra vaovao io sy hampiasa azy amin’ny fomba mahomby amin’ny fanampiana olona tso-po avy amin’ny firenena sy fivavahana samy hafa. Eny, hanome fahafahampo antsika ny fampiasana amim-pahombiazana io zavatra vita an-tsoratra vaovao io amin’ny fahalalana fa mampahafantatra ny vaovao tsara amin’ny karazan’olona rehetra hitantsika ao amin’ny faritany nanendrena antsika isika.—Matio 28:19, 20; Titosy 2:11, MN.