Aoka isika handray soa ara-panahy be indrindra amin’ny lohataona
1 Voalaza fa ny hoavy dia an’ireo izay miomana ho amin’izany. Miomana mialoha isika raha irintsika ny fampiasana ny fotoantsika hisy heviny marina ho antsika. Amin’ireo volana manaraka, dia hiditra amin’ny lohataona, izay matetika hananantsika fotoana misimisy kokoa ho azo ampiasaina amin’ireo raharahantsika manokana, isika. Inona no fandaharana azontsika atao amin’izao fotoana izao mba hahazoana antoka fa hampiasa ny fotoanantsika amin’ny fomba teokratika indrindra isika?
2 Ny ankamaroan’ireo vao manomboka ho liana ny fahamarinana dia nanatrika ny fahatsiarovana tamin’ny 30 Martsa. Ny fandrosoan’izy ireo ara-panahy dia miankina indrindra amin’ny fanampiana raisin’izy ireo avy amintsika. Ho fitahiana ho azy ireo ny fanatrehana ny fivoriamben’ny distrika. Azontsika atao ny mampahafantatra azy ireo, momba ireo soa ara-panahy sesehena ary manampy azy ireo amin’ny fikarakarany ny diany, mety ho amin’ny fanasana azy ireo hiaraka amintsika na amin’ny hafa izay mety hanana toerana ao amin’ny fiarakodiany.
3 Ny fanatrehana ny fivoriamben’ny distrika dia manokatra fotoana mety amboniny mba hanaovana fanambarana tsy ara-potoana. Ny fandaharana mialoha dia tokony hahafoaka ny fanangonana tahirin-javatra vita an-tsoratra farany indrindra. Afaka manao fanambarana isika amin’ireo olona miasa eny amin’ny fivarotan-dasantsy, eny amin’ireo hôtely, ary eny amin’ireo hôtely fisakafoana, ary koa amin’ireo mpamily fiarambahoaka. Izany dia fomba tsara dia tsara mba hankafizana fanandraman-javatra tena mahafaly maro be.
4 Maro be ireo tanora no ao anatin’ny fotoam-pialan-tsasatra amin’ny lohataona. Ny sasany amin’ny fotoam-pialam-boly dia mahasoa, kanefa moa ve ny sasany amin’io fotoana malalaka io azo ampiasaina mba handraisana anjara misimisy kokoa amin’ny fanaovana fanambarana, toy ny asan’ny mpitory maharitra mpanampy? Afaka manomboka dieny izao ireo ray aman-dreny mba hanampy ireo zanany hanao fandaharana. Angamba ireo ankizy avy amin’ny fianakaviana samy hafa afaka manoratra anarana sy miara-miasa ho toy ny andiany iray. Ny hafa izay tsy afaka misoratra anarana dia afaka miezaka mba hanao bebe kokoa, indridra fa amin’ny fanompoana andavanandro.
5 Maro no hanana andro vitsivitsy hitsaharana amin’ny asan’izy ireo tsy ara-pivavahana ary handeha any amin’ny toeran-kafa. Manaova fandaharana mba hanatrehana ireo fivorian’ny kongregasiona eo an-toerana sy hiara-mandray anjara amin’izy ireo amin’ny fanompoana izay afaka miteraka fifampaherezana tsara dia tsara. Mety handeha any amin’ny toerana mitokana izay misy faritany mahalana vao iasana ianao, izany dia fahafahana ho anao mba hanaovana fanambarana amin’ireo olona izay mahalana tokoa no mandre ny hafatra momba ilay Fanjakana.
6 Maro amin’ireo tanora no nahazo diplaoma vao haingana na hahazo tsy ho ela ny diplaomany avy any an-tsekoly. Izany dia miteraka fanahiana lehibe mikasika ny zava-kendren’izy ireo eo amin’ny fiainana. Ireo tanora izay manomana ny hoavin’izy ireo manodidina ireo zava-kendrena ara-panahy dia tsy maintsy hotahiana. (1 Jaona 2:15-17) Ny fanapahan-kevitra hanao ny asan’ny mpitory maharitra mandavantaona dia afaka mitondra fomba fiaina mahafa-po izay mahafaoka tombontsoa manokana maro be.
7 Ny ankamaroantsika ry dia hanana fotoana misimisy kokoa azo ampiasaina. Aoka isika hitondra tena amim-pahendrena amin’ny ‘fanararaotana ny andro azontsika anaovan-tsoa.’ (Efes. 5:15, 16) Ireo fandaharana izay mitana antsika ao anatin’ny fanompoana an’i Jehovah dia hitondra soa maharitra ho antsika sy ho an’ny hafa. — 1 Tim. 4:15, 16.