Fivoriana Momba ny Fanompoana

Herinandron’ny 9 Aogositra

Hira 57, Hira 74

10 min: Fampandrenesana eo an-toerana sy Fampandrenesana sasany eo amin’ny pejy 7. Manaova fampisehoana roa, miorina amin’ny fanoloran-kevitra ao amin’ny pejy 8, mba hametrahana ny Mifohaza! 8 Jolay sy Ny Tilikambo Fiambenana 15 Jolay. Azo atao ny mampiasa fomba fampiseho hafa. Resaho koa ny fandaharana momba ny fanomezana. Ampahatsiahivo ny mpanatrika hitondra ny bokikely Takina, ny herinandro manaraka.

15 min: “Ahazoana Valisoa ny Fiaretana.”a Mampidira fanazavana fohy avy amin’ny Tilikambo Fiambenana 15 Desambra 2000, pejy 22-23, fehintsoratra 15-18.

20 min: Fampiasana Taratasy Mivalona mba Hanombohana Fampianarana Baiboly. Lahateny sy fiaraha-midinika amin’ny mpanatrika, miorina amin’ny Fanompoantsika Ilay Fanjakana Novambra 2001, pejy 3-4. Asongadino fa vonona isika hanamboatra ny fotoanantsika, hifanaraka amin’izay ilain’ilay mpianatra, araka ny voalaza eo amin’ny fehintsoratra faha-5. Manaova fampisehoana fohy iray na roa miorina amin’ny fehintsoratra 8-10. Raha misy fomba hafa mandaitra eo an-toerana, dia io no hazavao sy anaovy fampisehoana. Asao ny mpanatrika hitantara ny vokatra azony tamin’ny nampiasany ilay taratasy mivalona hoe Tianao ve ny Hahafantatra Tsara ny Baiboly?

Herinandron’ny 16 Aogositra

Hira 189, Hira 85

10 min: Fampandrenesana.

15 min: Alenteho ao Am-pon’ny Zanakao ny Fahamarinana. Lahateny miorina amin’ny boky Fahasambaram-pianakaviana, pejy 55-59. Diniho ny fomba efatra hanampian’ny ray aman-dreny ny zanany hifandray akaiky amin’i Jehovah. Resaho ny fomba ampiharana ireo hevitra ireo.

20 min: “Fitarihana Fampianarana Baiboly Mandroso—Fizarana 2.”b Manaova fampisehoana dimy minitra. Manontany anti-panahy ny mpitory iray, hoe ahoana no anampiana mpianatra Baiboly mba handroso. Hazavain’ilay anti-panahy fa matetika no be loatra ny fotoana lany anazavana ireo tsipiriany tsy ilaina, ka tsy mandaitra ilay fampianarana. Sokafany ao amin’ny lesona 9 avy eo ny bokikely Takina, ka asehony an’ilay mpitory ny fomba 1) hifantohana amin’ireo hevi-dehibe ao amin’ilay lesona, 2) hampiasana tsara ireo andinin-teny voatonona, ary 3) hampifanarahana ny lesona amin’izay ilain’ilay mpianatra. Asongadiny fa ilaina ny fanomanana tsara isaky ny hampianatra.

Herinandron’ny 23 Aogositra

Hira 33, Hira 220

15 min: Fampandrenesana. Tatitra momba ny kaonty. Anaovy fampisehoana ny fomba anolorana miaraka Ny Tilikambo Fiambenana 1 Aogositra sy ny Mifohaza! 8 Aogositra. Fitoriana amin’ny mpampianatra any an-tsekoly ny iray amin’ireo fampisehoana.

10 min: “Fandaharana Vaovao ho Famerenana ny Fivoriambe.” Lahateny sy fiaraha-midinika amin’ny mpanatrika, miorina amin’ny lahatsoratra eo amin’ny pejy 4. Lazao ny datin’ny fivoriamben’ny faritra sy ny fivoriambe manokana manaraka, raha efa fantatra. Tokony hampahafantatra mialoha ny mpiandraikitra mpitantan-draharaha ireo maniry hatao batisa.

20 min: Fanolorana ny Boky Fahasambaram-pianakaviana Mandritra ny Septambra. Lahateny sy fampisehoana. Miresaha fomba fampiseho tsotra, misy fampidiran-dresaka avy amin’ny boky Fanjohian-kevitra na Ny Fanompoantsika Ilay Fanjakana, sy andinin-teny iray ary hevitra na lohatenin’ny toko iray avy ao amin’ny boky Fahasambaram-pianakaviana. Mpitory mahay ampanaovina ilay fampisehoana.

Herinandron’ny 30 Aogositra

Hira 90, Hira 145

7 min: Fampandrenesana. Ampahatsiahivo ny mpitory mba hamerina ny tatitra momba ny fanompoana Aogositra.

18 min: Valin’ny Fanontanianareo. Lahateny sy fiaraha-midinika amin’ny mpanatrika ireo fanontaniana roa voalohany. Ny fanontaniana fahatelo kosa dia hodinihin’ireo anti-panahy manokana.

20 min: Nandray Soa ve Ianao? Fiaraha-midinika amin’ny mpanatrika. Diniho indray ireto fanoloran-kevitra avy tao amin’ny Fanompoantsika Ilay Fanjakana, nandritra ny taom-panompoana lasa ireto: Manorata fomba fitory fohy amin’ny taratasy kely. (km 10/03 p. 8) Milazà teny fiderana amin’ny isam-batan’olona, ary ataovy voafaritra tsara sy avy amin’ny fo ilay izy. (km 11/03 p. 1) Mitoria rehefa azo antoka fa tena ao an-tranony ny olona. (km 12/03 p. 1) Manokàna fotoana hentitra hamakiana Baiboly sy hanomanana fivoriana ary hanompoana eny amin’ny saha. (km 1/04 p. 4) Ampiasao ny bokikely “Tany Soa” rehefa mianatra samirery sy mamaky Baiboly. (km 3/04 p. 2) Ataovy tanjona ny hamaky ny Baiboly manontolo. (km 4/04 p. 1) Mampiasà taratasy mivalona mba hanombohana fampianarana Baiboly. (km 8/04 p. 2) Asao ny mpanatrika hilaza ny soa noraisiny, rehefa nampihatra ireny fanoloran-kevitra ireny.

Herinandron’ny 6 Septambra

Hira 197, Hira 142

5 min: Fampandrenesana.

15 min: Zavatra ilain’ny fiangonana.

25 min: “Aoka Ianao Haneho ny Toe-tsain’ny Mpisava Lalana.”c Adinadino vetivety ny mpisava lalana iray na roa. Anontanio izy hoe inona no ohatra tsara nomen’ny ray aman-dreniny, ny anti-panahy, na ny hafa, ka nampahery azy hanohy ny fanompoana manontolo andro.

Fampandrenesana

◼ Zavatra atolotra amin’ny Aogositra: Iray amin’ireto bokikely 32 pejy ireto: Afaka ny ho Sakaizan’Andriamanitra Ianao!, Boky Iray ho An’ny Olona Rehetra, “Indro, Havaoziko ny Zavatra Rehetra”, Inona no Mitranga Amintsika Rehefa Maty Isika?, Inona no Zava-kendren’ny Fiainana? Ahoana no Mety Hahitanao Azy Io?, Ny Fanahin’ireo Maty—Afaka Manampy Anao ve Izy Ireo sa Afaka Manisy Ratsy Anao? Tena Misy Tokoa ve Izy Ireo?, Ny Fitondram-panjakana Izay Hitondra ny Paradisa, Ny Vavolombelon’i Jehovah—Iza moa Izy Ireo? Inona no Inoany?, Rehefa Nodimandry ny Olona Iray Tianao, Tena Miahy Antsika ve Andriamanitra?, Tokony Hino ny Trinite ve Ianao? Septambra: Manontany ny Tanora—Valiny Mandaitra. Azo atolotra