Ampifanaraho Amin’izay Ilain’ny Olona ny Fitorianao

Raha tena miahy ny olona isika, dia hamantatra izay ilainy, ary hanazava aminy fa ilay Fanjakana no hamaha tanteraka ny olana atrehiny. (Fil. 2:4) Miezaka ny hampifanara-javatra àry ny mpitory maro. Hitan’izy ireo fa tena mandaitra ny fanasana ny olona hilaza ny heviny momba ireo sarina Paradisa, ao amin’ireo boky sy gazetintsika, toy iretsy ankavanana iretsy. Afaka manao izany ianao sady mampiasa ireto fampidiran-dresaka ireto:

◼ “Mino ve ianao fa hiaina toy ny hitantsika eto amin’ny sary eto ny olona, indray andro any?”

◼ “Tontolo toy ny hitantsika eto amin’ny sary eto no tiantsika hiainan’ny zanatsika. Araka ny hevitrao, inona no ilaina mba ho toy izao ny fiainana?”

◼ “Ho toy izao ny eto an-tany rehefa hatao eto ny sitrapon’Andriamanitra, tahaka ny any an-danitra. Inona no hitanao fa tsy mampitovy azy io amin’ny fiainantsika ankehitriny?”

◼ “Tianao ve ny hanana fiainana toy izao? [Avelao izy hamaly.] Mino ve ianao fa hitranga amin’izao androntsika izao izany?”

Henoy tsara ny valin-tenin’ilay olona, ary mametraha fanontaniana iray na roa mba hahalalana ny heviny. Raha misy olona milaza fa tsy mino hoe hisy ireo zavatra ireo, dia aza manatsoaka hevitra avy hatrany fa tsy liana izy. Anontanio ny antony ilazany izany, nefa mahaiza mandanjalanja. Mety ho fantatra amin’ny valin-teniny, fa manahy be ny amin’ireo olana toa tsy mety voalamina izy.—Ezek. 9:4.

Ampifanaraho amin’izay mampanahy an’ilay olona ny fomba fampisehonao. Asongadino ny hafatr’ilay Fanjakana mifanitsy amin’izay ilainy. Miresaha andinin-teny iray na roa manazava an’ilay izy. (Jereo ireo fanoloran-kevitra etsy ankavanana.) Avelao ho izy mihitsy no hahita izay lazain’ny Tenin’Andriamanitra. Omeo boky na gazety izy raha liana, ary tsidiho amin’ny manaraka. Ataovy foana izay hahaliana azy amin’ilay resaka.

[Efajoro, pejy 6]

Sarina Paradisa

Boky Mpampianatra: pejy 251-254

Boky Fahalalana: pejy 4-5, 188-189

Bokikely Takina: pejy 11, 13

Boky Mivavaha: pejy 92-93

Bokikely Fiainana eto An-tany: fonony

[Efajoro, pejy 6]

Izay Mampanahy ny Olona

Ady, fampihorohoroana

Salamo 46:8, 9;

Mika 4:3, 4

Aretina, kilema

Isaia 33:24; 35:5, 6

Fahafatesana, alahelo

Isaia 25:8;

Apokalypsy 21:3, 4

Fahakiviana

Salamo 34:8;

Isaia 65:17-19

Fahantrana, fampahoriana

Salamo 72:12-14;

Mpitoriteny 8:9

Fampijaliana biby

Ohabolana 12:10

Fanavakavahana, tsy fitoviana

Isaia 11:3-5;

Asan’ny Apostoly 10:34, 35

Fanimbana ny tany

Apokalypsy 11:18

Fitondrana tsy mahomby

Salamo 146:3, 4;

Daniela 2:44

Fitondran-tena ratsy

2 Timoty 3:1-5

Heloka bevava, herisetra

Salamo 37:10, 11;

Ohabolana 2:21, 22

Kolikoly, tsy rariny

Isaia 9:5, 6;

2 Petera 3:13

Trano, tsy fananam-bola

Isaia 65:21, 22

Tsy fahampian-tsakafo, mosary

Salamo 72:16;

Isaia 25:6