Hira 173

Fatorana Mampiray Tonga Lafatra ny Fitiavana

(Kolosianina 3:14)

1. Nihena ny fitiavana,

Fa tsy toy ny taloha.

Isika kosa hiezaka

Hifankatia kokoa.

Manahaka an’i Jehovah

Isika rehetra,

Raha toa maneho fitiavana

Madio sy lalina.

2. Tsy mihatsaravelatsihy

Ireo ’zay tena tia.

Aoka ny fitiavantsika

Mba tsy hisy tsiny.

Koa halalaho ny fontsika,

Ho an’ireo rahalahy.

Ireo ’zay tian’i Jehovah

Dia hotiavintsika.

3. Tsy maintsy hamafisina

Ny fitiavana,

Satria io no fatorana,

’Zay mampiray saina.

Miezaha mba hifandray am-po

Sy ho tsara fanahy.

Hanampy antsika izany

Mba hifandray tsara.

4. Ny fifandraisana tsara

Amin’i Jehovah,

Manampy mba ho tia ny hafa

Toy ny tenantsika.

Ho tena vokatry ny fo

Ny fitiavantsika,

Fatorana ’zay mampiray

Sy tonga lafatra.