Nisy Namorona Ve?
Tongotry ny Varevaka
◼Tsy ngolin’ny hatsiaka ny varevaka, na dia mijoro eo ambony ranomandry aza, nefa tsy mifono ny tongony. Inona no mahatonga an’io vorona io hafana foana?
Diniho izao: Raha misy fantsona roa mitsangana mifanakaiky, ka ny iray misy rano mafana fa ny iray misy rano mangatsiaka, ary mitovy ny fikorianan’ilay rano, dia tsy tena hafana ilay rano mangatsiaka. Fa raha, ohatra, kosa ny iray miakatra ary ny iray midina, dia tena hafana ilay rano mangatsiaka.
Toy izany no mitranga ao amin’ny tongotry ny varevaka. Misy lalan-dra mitondra ra midina sy miakatra ao amin’ny tongony. Ra mafana no mikoriana midina, ary mampita hafanana amin’ilay ra mangatsiaka mikoriana miakatra. Lasa mafana àry ilay ra mangatsiaka. Hoy ilay manam-pahaizana atao hoe Gary Ritchison, momba ny vorona any amin’ny tany mangatsiaka: “Tena tsara sady mahomby io fomba fampitana hafanana io, ka nalain’ny injeniera tahaka mba hitsitsiana angovo.”
Ahoana no hevitrao? Tongatonga ho azy ve izany fomba fampitana hafanana ao amin’ny tongotry ny varevaka izany, sa nisy namorona?a
[Fanamarihana ambany pejy]
a Ahitana fomba fampitana hafanana toy izany koa ao amin’ny olona sy ao amin’ny biby maro, anisan’izany ny trondro.
[Kisary/Sary, pejy 25]
(Jereo ny gazety)
Mampita hafanana amin’ilay ra mangatsiaka mikoriana miakatra ilay ra mafana mikoriana midina
[Kisary]
32°C
0-5°C
[Sary nahazoan-dalana, pejy 25]
Varevaka: © Michael S. Nolan/age fotostock