TADMORA

(Tadmòra).

Toerana iray tany an-tany efitra, izay nanaovan’i Solomona asa fanorenana taorian’ny 1017 T.K. (2Ta 8:1, 4) Maro no milaza an’i Tadmora ho ilay tanàna nantsoin’ny Grika sy ny Romanina fahiny hoe Palmyra. Efa rava io tanàna io ankehitriny, ary any amin’ny faritra lonaka iray any amin’ny ilany avaratra amin’ny Tany Efitr’i Syria no misy azy io, tokotokony ho 210 km any avaratratsinanan’i Damaskosy. Mbola antsoin’ny Arabo hoe Todmor ny tanàna kely iray eo akaiky eo. Raha i Palmyra tokoa i Tadmora, dia mety ho nisy toby miaramila tao, izay niaro ny ilany avaratra tamin’ny sisin-tanin’ny fanjakan’i Solomona. Mety ho toerana lehibe fitobian’ny mpanao dia lavitra koa tao.​—Jereo TAMARA No. 4.