5-11 YO AGOSTO

ISAALIMU 70-72

Ncipo 59 ni ulompa | Moolumo oopacera (1 min.)

MIHAKHU CO NNUULUMONI NA NLUKU

1. ‘Mwaahimyeere asaana anhala uyariya’ ikuru ca Nluku

(10 min.)

Davidi ahoona ukhikiceriya ni Yehova muukumini wawe motheene. (Isaa. 71:5; Sentinela 01/09/1999 ipaag. 18 iparaag. 17)

Davidi aheecoona ukaviheriya ni Yehova. (Isaa. 71:9; Despertai! 08/10/2004 ipaag. 23 iparaag. 3)

Ntakihero na Davidi nahaalipiha amirawo. (Isaa. 71:17, 18; Sentinela 15/01/2014 ipaag. 23 iparaag. 4-5)

Imuci yoopeliye mwaha isumana ivinrele ‘ impanka uswali waamuci.’ Ayo amucyaayo yaahowaakhela amunna amoca naamwaaraya wiira yaapankane uswali waamuci, yaanaviriyana yooniheraka utteeliya nrima ukati yaahimyaaya cowiirannya caya avarelaka nteko ifootu caya.

MWIIKOHE CO, ‘Munnani ni nuununi ancenre unswalela Yehova khalayi, akicivenle unkohakoha wuuswalini waamuci?’

2. Ikano cowiipithya co mbiibiliyani

(10 min.)

Isaa. 72:8—Manannani inatiri Yehova cankhuluvelihilyaawe Aparahaamu nhina Uphattuwaca 15:18 ciraneelyaaya ukati walamulelaawe Mwene Salomau? (Perspicaz vol. 1 ipaag. 892)

Waakhula winyu
Mwaasomeenyu mphantte wo mbiibiliyani wo ila isumaneela, ikanoni cowiipithya ciphwanyaleenyu?

Waakhula winyu

3. Usoma Ibiibiliya

(4 min.) Isaa. 71:1-24 (Leitura e Ensino mpantta 5)

MWIIKURUMICE WUULALYAANI

4. Upaceriha uwoopana mwaha atthu

(3 min.) ULALYEERA MMAWAANI. Wakhalaka wiira ntthuuyo nawuulumaca venci, mmananihe umaliha mwahooyo ni moolumo ootteeliha nrima. (Mwaafente Atthu mwaha 4 ipontu 5)

5. Waakavihera atthu wiira apheele wiitthuca-tho

(4 min.) ULALYEERA KHULA NIPURO. Nturuwele woopa mwaha mwaahiyerenreenyu naasithumwaniinyu unoonihera uthunku. (Mwaafente Atthu mwaha 8 ipontu 4)

6. Waahimerya akhwiinyu citthu cinkupaliinyu

(5 min.) Mwaha. Mphantte wo nsayitini jw.org uneera Perguntas Frequentes Sobre as Testemunhas de Jeová? mwaha 49—Muru: Kontha isiyani Masaahiti a Yehova cinrukunusaaya citthu caminyaaya? Masaahiti a Yehova cinrukunusaaya citthu caminyaaya? (Leitura e Ensino mpantta 17)

MAKHALELO EERKISTAU

Ncipo 76

7. Mananna oopanka uswali waamuci

(15 min.) Mwaha wookaviheriya niikomentaariyu co mayamunna.

Imuci imanleehu woopela mwaha aneemenle anttottopelaka Yehova.

Imuci yoonaka iporokaraama yo jw Broadcasting

Mwaana mmoca mwanthiyana aakhulaka nikoho naanumwaane ukati umpankiyaya uswali waamuci

Uswali waamuci unkhanla ukati wofayita cinene ‘wiira asaana yiitthuce isariya ca Yehova.’ (Efesu 6:4) Upheela wiitthuca unkhala nteko, masi nikhanle ntakihero nomaana, venci-venci ukati asaana anonnuwaaya caacivelaka ikhweeli co mbiibiliyani. (Joau 6:27; 1 Pet. 2:2) Nwehe ikwaaturu inthoonyera “Mananna oopanka uswali waamuci,” wiira yakavihere ayaari ukati ampankaya uswali waamuci ikhale itthu yomaana. uphwannyera ifaita ni ukhala ukati wootteeliha nrima. Vano, nkohe co:

Ntakiheroni nyuuva nuucivenleni utteha?

Waakhula winyu
Ihaavo itthu mphwanyenrennyu ifayita?

Waakhula winyu

MANANNA OOPANKA USWALI WAAMUCI

IBIIBILIYA:

Wokhula isumana nviriyane mphantte wokaravariya wo mbiibiliyani awula munttharihe mwaakumiheraka ncunno vate. Wokhula ntthu watthokoni pooti usoma ihantisi caatthu oovirikana o mbiibiliyani
Ntthenkace makoho anvarihana niitthu inhaleenyu usoma wokhula isumana. Mwaalepele amuciinyu wiira athanle nikoho nimoca ni atothe. Vano, ayo pooti uhimya itthu yiitthucilyaaya
Nhiye nikoho nimoca awula mwaha, wottharelana, ntothe mattharelelo o mbiibiliyani anvaranaca nimwahooyo nhina Escrituras para a vida cristã
Mpacerihe mphantte wo mbiibiliyani
Khula isumana, ntherekelace makhanta ni nhina khula nikhanta, mwantikhe iveerusu co mbiibiliyani coovirikana. Nyuuva pooti woonela iveerusu ciri Mphantte Woomalela A nhina ibroxura Mwaafente Atthu—Mwaapanke Eetthuci. Nhele mmuru khula iveerusu. Vano khula isumana, moopele mwaha iveerusu cantikhileenyu mmakhantani isumana ivinreeyo.
Nsome mphantte wolivuru Mphwanye Utteeliya Uhimmala!
Mwaathanle atthu wapuwani va anhala utaphulela mwaha mmoca umphwanyannya nhina jw.org miphantte cineera “Perguntas Bíblicas Respondidas” awula “Textos Bíblicos Explicados.” Nnyo miphanttennyo ciri nipuro nantikhiye ENSINOS BÍBLICOS nhina jw.org yeekunya.

MIKUTTHAANO:

Ntthenkace mphantte wo mikutthaano
Ntthenkace ikomentaariyu. Ikomentaariyu cinyu cihikhale cuulupale wanvikaniheenyu ukati
Mwiipe icipo co Umwene
Moopele mwaha ni ntthenkace isiyani inhaleenyu wuuluma wiira munlipihe ntthu cihinancera mikutthaano awula camalaka
Ntthenkace mphantte unvahiyeenyu wiira mwapanke umikutthaanoni. Ntthenkace uyo mphantteeyo amuci otheene awoonakani

ULALYEERA:

Mwiitthenkace wiira nlalyeere inupa niinupa
Mwiitthenkace ukati nnoohaleenyu uturuwela woottola
Muupuwele itthu yoohala wuuluma, wahoolo, mwancere umoopana mwaha mpatthaniinyu
Moopele mwaha mananna cimpheeleenyu ukavihera cinene nteko woolalyeera ukati wo Nuupuwelelo awula ukati wofeeriya untekoni awula ucikolani

MANANNA O WAAWACERA AMUCI:

Mwiitthenkace nhina isiyani inhaleenyu upanka yookhumelelakani itthu toko ulepeliya nlattuni uhinkelakeleenyu isiyaasa, isukuhuulu ni citthu cikiina ntuninyani, mwapaciyaka awula mwathokociyaka nintthu ucikolani awula untekoni
Ukati wo wiitthenkaca, ayari ni asaanaaya pooti upanka matakihero. Asaanaayo pooti ukhala Masaahiti a Yehova ni asithumwanaya pooti wiikhaliha ntthu hikhanle Saahiti a Yehova. Vano asaanaayo pooti uthoonyera mananna caahalaaya waakhula awula itthu yaahalaaya upanka

MIRUKU CIKHWAAWE:

Moone ni moopele mwaha iporokaraama ikumiheriye nsayitini JW Broadcasting^®
Nsome mwaha mmoca awula moone ividiyu cimphwanyannya nsayitini jw.org vano, moopele mwaha
Moopele mwaha miphantte “Adolescentes e Jovens” awula “crianças” cimphwanyannya mphantte uneera “ENSINOS BÍBLICOS” nsayitini jw.org
Nsome ni moopele mwaha citthu cantikhileenyu ukati waaviriyaneenyu myaha wakonkereesuni awula wanthukumanoni wosirikwiitu
Nwehe ni ntothe citthu cowumpiya, vano moopele mwaha citthu cinniitthucihaya nhina makhalelo a Yehova
Munlattule munna awula nuunu wiira munlyaane wamoca, vano munkohakohe mananna cincuwenlyaawe Yehova
Mwiihelele mipika co mminepani ni moopele mwaha mananna owiiraneeha
Upanka nkhayi itthu toko idesenho, maapa awula itthu ikhwaawe

Moonihe IVIDIYU Nhihiyerere ureherera uswali waamuci. Vano, nkohe co:

Manannani ntheli nohalaawe uphanyera ifayita uswali waamuci nkhayi naamwarawe wakhalaka wiira khaarina a saana?

Waakhula winyu

8. Usomiya Ibiibiliya wo wanlokoni

(30 min.) Ukhalenla 02/2020 mwaha 4 iparaag. 1-7