Mananna oopanka usoma wo veekha ni uswali waamuci

Hi ninonswalela Yehova kahi paahi ukati unthukumaneehu mmamikutthaanoni cihu awula mmakonkereesuni, masi hi ciicammo ninanswalela nakhalaka veekha ni nkhayi naamuciihu. Ala akhanle mananna nyuuva nnolamuliyeenyu upanka usoma wo veekha ni uswali wa amuci:

• Ntthenkace mikutthaano. Nyuuva pooti umananiha wiipa icipo cinhala wiipiya ni waakavihera atthu otheene watthokoni utthenkaca ikomentaariyu.

• Nsome ihantisi yo mbiiblyani. Mwamalihaka usoma, nyuuva pooti udesenhari itthu yaasomeenyu awula wantikha ipontu cihimpheeleenyu uliyala.

• Usoma ulompa wa ntthu noolumiya mbiiblyani. Vano, muupuwele mananna nyuuva cinlamuliyeenyu utakiha nwo ulompa wihu wiira ciicammo nlompe ratta.

• Woona ividiyu yo mumphwinkoni wihu ni woopela mwaha itthu yiitthucileenyu nvidiyuni awula wantikha wiira nhiliyale.

• Utthenkaca mwaha umpheeleenyu urwaa wuuluma wuulalyeerani ni upanka nthoonyero wapuwani vaava.

• Ukumiha ukati wiira nweheehe citthu Nluku cumpilyaawe ni wuupuwela awula woopela mwaha isiyani cinniitthucihaaya nnyo citthunnyo nhina makhalelo a Yehova.a