Uleveleliya wotampi uhinaaya uphiya ukati wo woopoliya wihu ni Yesu

Inanna imoca inleveleliyeehu itampi cihu, ukhanle nuwiivaherera wa Yesu wiira anoopole. (Efesu 1:7) Uhookhalaru commo, Ibiiblya ineera: “Nluku anlevelela matampi yaavariya khalayi;” maanaaya wiira hinaaya Yesu uvaha ukumyaawe wiira anoopole. (Efesu 1:7; Aroo. 3:25, niwehero) Masi, manannani Yehova caahalaawe ulevelela itampi caatthu, uhinaaya uphiya ukati wo woopoliya ni attharaka makhalelwaawe osariya?

Yehova ahokhuluveliha wiira wanhala ukhumelela “ucuulu” waahala woopola ale yaahala umwaamini, ni waamini inatiri cawe. Woonela wa Yehova, ukati uyova waapankilyaawe iyo inatiriiyo, woopoliya waahiirannya. (Upha. 3:15; 22:18) Nluku ankupali wiira nuuwakatyaaya, mwanaawe anhala wiivaherera watuninyani wiira awoopole apinaatamu. (Akalas. 4:4; Mabere. 10:7-10) Ukati Yesu waaryaawe watuninyani, Yehova ahonvaha ukhulupale wiira alevelele itampi, hataa ukati waaryaawe hineevaherera. Yesu aapankile iyo kontha ancuwela wiira wiivaherera wawe wanhala ukhuneela matampi apinaatamu yaahala uthonyeera waamini.—Mat. 9:2-6.