Isamu
Ulwimbo lwa kwimba pa kulemela Imyamba.
130 Nkulilila kuli wewe we Yeova lino indi sana ni ntazi.
2 We Yeova uvwa ukwi zwi lyane.
Si kutika kuli vino nkupaapata ukuti ungavwe.
3 We Jah* ndi cakuti wikanga mano kuli vino tukaluvyanya,
A weni angatwalilila ukuya uwa kaele we Yeova?
4 Pano wewe ukaeleela umu cumi,
Pakuti antu yakoopa.
5 Nkaloleela Yeova, nkamuloleela nu mwenzo wane onsi;
Nkaloleela izwi lyakwe.
6 Nkaloleela sana Yeova,
Kucila vino alinzi yakaloleela ukuti uce,
Ee kucila alinzi aakuloleela ukuti ilanzi litunke.
7 Si Aina Izlaeli yatwalilile ukuloleela Yeova,
Pano Yeova u wa cisinka umu kutemwa kwakwe,
Nupya wakwatisya amaka ya kukulula.
8 Alakulula Aina Izlaeli uku membu zyao zyonsi.