Ezaya

 2 U mulandu ci uno mukulipilila impiya pa vintu ivisi vyakulya,

Nupya u mulandu ci uno mukuomvezya impiya zinu zino mwaculila uku vintu ivisiikusya?

Kutikisyini nu kulya ivisuma,

Nupya mulaya sana ni nsansa pa mulandu ni vyakulya ivisuma.

Kutikiini nupya mulaya nu umi,

Nupya ndapangana namwe upangano wa manda pe

Ndamulanga ukutemwa kwa cumi pa ulayo wa cumi uno nalavile Devedi.

 4 Lolini! Nalenzile ukuti aye inte uku nko,

Intunguluzi nupya umusilika mukalamba.

 5 Lola! Ulama uluko luno utamanya,

Na antu ya mu luko ulutakumanya yalasimwilila kuli wewe

Pa mulandu wakwe Yeova Leza wako, Uwa Muzilo wakwe Izlaeli,

Pano alakucindamika.

 7 Lekini kacita wa viipe asenuke

Nu muntu umwipe ate ukwelenganya viipe;

Lekini aswilile kuli Yeova aalamuvwila uluse,

Kuli kuti kuli Leza witu, pano alaitemelwa ukumwelela.

 8 Yeova walanda wati: “Melenganyo yane yapusana na melenganyo inu,

Nupya vino mukacita vyapusana na vino nkacita.”

 9 Nupya wakwe viivi kwene vino mayulu yatalukana sana ni insi,

Ali vino na vino nkacita vyapusana na vino mukacita

Na melenganyo yane yapusana sana na melenganyo inu.

10 Pano wakwe viivi kwene vino imvula nu usu wa mvula vikatoonya

Nupya visiswilila kufikila vyatonsya umusili nu kulenga ukuti vimelwa vimele nu kuseeka,

Nupya vikalenga umulimi ukukwata imbezu zya kukomela ni vyakulya,

11 Avino cilaya nu ku mazwi aakafuma umu kanwa kane.

Yatalawela ukwaula ukuti vimwi vicitike,

Lelo yalalenga ukuti vyonsi vino nkulonda vicitike,

Nupya viivi kwene vino nalanda i vilacitika.

12 Pano mulapita ala mukusansamuka,

Nupya mulawela umutende.

Imyamba nu tumyamba vilasansamuka lino mulafika nupya vilapunda ni nsansa,

Ni miti ya mu mpanga yonsi ilatoota.

13 Apaya imiti ya myunga palamela umuti wa yunipa,

Na paya ivimelwa ivyakwata imyunga palamela umuti uno yakaama ukuti malito.*

Cii cilalenga Yeova ukumanyikwa,

Nupya cilaya icimanyililo icilatwalilila ukuyako.”