Mwapekanya Umwenzo

Lino tukuisambilizya Baibo, tukalonda ukuti vino tukusambilila pali Yeova vyatufika pa mwenzo. Tungasambilila kuli Ezila uwisile “umwenzo wakwe uku kusambilila amasunde yakwe Leza.” (Ezila 7:10) Tungakolanya uli Ezila?

Mwapepa. Lino mutatala mwatandika ukuisambilizya, mwapepa. Mwalenga Yeova ukuti amwazwe ukuvwikisha vino mukusambilila nu kulaviomvya.—Masa. 119:​18, 34.

Mwaya aicefye. Leza asisokolwela icumi kuli yayo aaya ni cilumba nupya aakataila pa mano yao aineco. (Luka 10:21) Nupya tutalinzile kulaisambilizya pakuti sile tulange yauze ukuti twamanya ivingi. Alino ndi cakuti twasambilila ivipya ivikulondekwa ukuti tusenuke, tulinzile ukuicefya nu kusenuka.

Mwakutika uku nyimbo zya Wene. Inyimbo zingalenga twaelenganya pa visuma. Fwandi ndi cakuti twakutika uku lwimbo lino tutatala twatandika ukuisambilizya, cingatwazwa ukwika amano kuli Yeova pakuti vyonsi vino tukuisambilizya vyatufika pa mwenzo.