Ukwazwa Yauze Kungamwazwa Ukuta Ukuvwa Ukuzukilwa—Vino Baibo Ikasambilizya

Antu umu nsi yakayuvwa ukuzukilwa nu nupya yakalola ukuti yatanga yakwate ya cuza aapalamisye. Aasambilila sana pa vya umi yamwi yalanzile ukuti ukwazwa yauze kungazwa umuntu ukuta ukuzukilwa.

• Kaungwe kamwi ( U.S. National Institutes of Health) kalanzile ukuti “Ukwazwa yauze kungatwazwa ukuya nu umi usuma alino nu kutwazwa ukuta ukuyuvwa ukuzukilwa alino nu kulola ukuti tutanga tukwate ya cuza aapalamisye.

Baibo ikalanda pali vimwi vino tungacita pakuti twaazwa yauze. Ukuomvya vino Baibo ikalanda kungatwazwa ukucimvya intazi ya kuzukilwa.

Vino mungacita

Mwaya asipe. Mwakwata insita yakuya pamwi na antu. Mwaitemelwa ukupeela yauze vino ukweti. Ndi cakuti mwacita vivyo yalamutaizya nupya yalaya ya cuza inu.

• Cisinte ca muli Baibo: “Mwapeela auzo, namwe kwene antu yalamupeela.”—Luka 6:38.

Mwaomvya amaka inu apa kwazwa yauze. Mwalola vino mungacita pakuti mwazwe akweti intazi. Mungacita vivyo ndi cakuti mukukutikisya lino yakumilondolwela vimwi nanti sile ukuyazwa muli vino yakulondekwa.

• Cisinte ca muli Baibo: “Cuza, umukundwe insita ili yonsi.”—Mapinda 17:17, Contemporary English Version.

Nga mukulonda ukumanya na vyuze pali vino mungacita pakuti mukwate ucuza usuma, mubelenge icipande cikati “Ulupwa na Ucuza.”