Uzye Antu Ikalanga Uli umu Paladaise?

Yeova wapeezile Adamu na Eva ivintu visuma ivingi sana. Utandiko 1:28

Yeova wapanzile umwanaci wa kutandikila Eva, amupeela na kuli Adamu kuti aye umuci wakwe.—Utandiko 2:21, 22.

Yeova wayaumvile na mano ni miili ivimalilike, kapya aula nu ulema.

Ikalanga umu Paladaise mu calo ca Edeni—mwali umusuma cuze, mwali ni nguzi ni miti ya visekwa ni nyama.

Yeova wavwanganga nayo; wayasundanga nu kuyasunda. Ngi ca kuti yamuvwilile, ngano ikazile mu Paladaise pano kwene apa mpanga ya pansi amanda pe.

Leza wayalesizye ukulya uku muti onga sile. Utandiko 2:16, 17

Yeova walanzile Adamu na Eva umuti umwi uwa vizao umu calo, ayanena nu kuti ndi yalalya ivizao vya muti uwo, yalafwa.

Mungeli umwi wapondokiile Leza. Mungeli wiyo umwipe a Satana Ciwa.

Satana atalondanga Adamu na Eva ukuvwila Yeova. Acino, waomvizye icizoka ukunena Eva ukuti ndi walya ivizao vya muti uwo, atalafwa, lelo alaya wakwe Leza. Nomba kwene vino wamunenyile, ufi.—Utandiko 3:1-5.