CIPANDWA 10
Ivisuma ci Ivili Ukunkolelo Vino Akaumvwila Leza Yalapeelwa?
Antu aingi yano yaafwa yalatutuluka nu kwikala pano kwene apa mpanga ya pansi. Milimo 24:15
Uzye mumanyile ivisuma ivili ukunkolelo vino mulapeelwa ndi mukuvwa kuli Yeova? Mulaya nu umi usuma cuze; kutalaya ukulwala nanti ukuulwa maka. Kutalaya antu aipe, na yonsi yano mulaikala nayo mulayataila.
Kutalaya ukuwaika, malanda nanti ukulosya. Kapya kutalaya ukukota nu kufwa.
Antu yano mulaikala nayo ivyuza vinu na ya lupwa inu. Ukwikala mu Paladaise kulazipa wakwe cimwi.
Mutalaya ukwikala ntete ntete. Antu yalaya ni nsansa zya cumi.