Mwalanda Pali Vino Antu Yangatemwa Ukuvwa

Vino Yesu Wacisile

VIDYO: Yesu nu Mwanaci pa Cisima

1. Tambini VIDYO, nanti belengini Yoani 4:6-9. Alino mwasuke mauzyo alondelelapo:

1. I vyani vino Yesu wisileko mano lino atatala watandika ukulanzyanya nu mwanaci?

2. Yesu wamunenyile ati: “Nkulengako manzi ya kumwa.” U mulandu ci uno yii yayelile inzila isuma iyakutandikilamo ukulanzyanya?

I Vyani Vino Tukusambilila Kuli Vino Yesu Wacisile?

2. Ilingi tukalanzyanya ningo na antu ndi cakuti twatandikilapo ukulanda pi lyasi lino yangatemwa ukuvwa.

Mwakolanya Yesu

3. Mwasenuka. Mutaumilila sile pi lyasi lino imupekanya ukulandapo. Lelo mwatandika ukulanzyanya pi lyasi lino antu yauze ya kwelenganyapo. Muyuzye mweineco muti:

1. ‘I vyani vino antu aingi yakulandapo sana?’

2. ‘I vyani vino aina mupalamano, yano nkaomba nayo, nanti ya kasukulu yanji yakulandapo sana?’

4. Mwaika mano ku vikucitika. Muyuzye mweineco muti:

1. ‘Uzye i vyani vino muntu wi akucita pali ino nsita? Uzye limwi i vyani vino akwelenganyapo?’

2. ‘Uzye imizwalile ya muntu wii, milolekele yakwe, nanti vino pa ng’anda pali vikundanga ukuti wazumila muli vyani nanti i ntambi ci zino wakwata?’

3. ‘Uzye yii ali nsita isuma iyakulanzyanya nu muntu wii?’

5. Mwakutikisya.

1. Mutalandapo sana.

2. Mwakomelezya yauze ukulanda vino yakuyuvwa. Ndi cakuti icilinga, mwauzya mauzyo.