Kuomba Ningo Umu Mulimo—Ukukatusya Ilyasi Pakuti Tutandike Ukusimikila Konsi Kuno Tuli

Cino Cacindamila: Lino tukusimikila uku ng’anda ni ng’anda limwi tutanga tuzane yamwi apa mang’anda. Nomba tungalanda nayo lino tuli muli motoka tukuya kumwi, lino tuli uku cipatala, lino tukupuuzako uku ncito nanti uku sukulu, alino nu ku ncende zyuze. Yeova akalonda ukuti antu yonsi kwene yuvwe icumi. (1 Tim. 2:3, 4) Ilingi kwene pakuti tusimikile tufwile ukulonda inzila zya kutandikilamo ukulanzyanya.

Ivya Kucita:

Mwasoolola a kulanzyanya nayo. Uzye umuntu wiyo u musankaane uwakuti mungavwanga nawe? Uzye kuli vimwi ivingapumvyanya ukulanzyanya? Ya kasimikila yamwi yakatala iyalola umuntu apa manso alino iyamwentula. Nawe nga wayamwentwila alino yakatandika ukulanzyanya.
Ndi cakuti muvwa intete, pepiini ipepo iliipi lyamu mwenzo.—Neem. 2:4; Mili. 4:29.
Manye pa kutandika ilyasi, mungayalamuka sile; pano na Yesu kwene atatandike lilyo kwene ukulanda apa Wene nu mwanaci umwina Samaliya. (Yoa. 4:7) Limwi mungayataizya sile muti, “Ana inu mwayasunda ningo!” ale ni lyasi lyakatuka vivyo kwene. Inzila nayuze ingaomba, u kuuzya iuzyo, limwi munguuzya muti: “Uzye muvwile vino yalanzile ilyasi pa ledyo mutondo usiku?”
Lino mwatandika ilyasi, londiini inzila ino mungatandikilamo ukuyasimikila, lelo mutazakantika. Mwalanzyanya kwati mukulanda sile ilyasi. Mungalanda sile pa vintu vimwi ivingalenga yalondesye ukuvwa nu kumuuzya mauzyo. Tuti mukulanzyanya pa vyamu lupwa, limwi mungati, “Nazanyile vimwi visuma ivingazwa avyazi kukuzya ningo ana.” Nga mukulanzyanya vimwi vino mwawelenzile muli nyunzipepa, mungati, “Nuvwile ningo, pano lyene nawelenzile vimwi ivisuma.” Mutuuvwa uyi ngi cakuti ilyasi lyasila sile kwaula kutandika ukusimikila.
• Mwasenda matulakiti ni impapulo zyuze izya kupeela angalonda ukupoka.

Mwezi Uu Muce Mwezye Ukucita Vii:

Mwaezya ukutandika kulanzyanya nu muntu nanti wenga sile cila mulungu pakuti mumusimikile.