IVYEO NA VYUZE PA C
Vyakutungulula Masambililo ya Baibo Ukuomvya Ibuku Lyakuti Mungaya ni Nsansa Manda Pe!
Yapepilepo nu kulondelezya ningo ivyeo vino yalemvile umwi buku lyakuti Mungaya ni Nsansa Manda Pe! Pakuti mwaomvya ningo ibuku lii, mwacita ivyalondelelapo pa kutungulula masambililo ya Baibo.
Lino mutatala mwaya ukwi sambililo
1. Mwapekanya sana. Lino mukupekanya, mwaelenganya pali vino umusambi akulondekwa, vino ivintu vili kuli aliwe, na vino wazumilamo. Mwaezya ukwelenganya pa cisinka icingamutalila ukuvwa nanti ukuciomvya. Mwalola vino ivyeo ivyaya umu ciputulwa cikati “Londelezyini” vingazwa umusambi winu, nupya mwapekanya vino mungaya mukaomvye iciputulwa cii lino muli pi sambililo ndi cakuti calondekwa.
Lino muli pi sambililo
2. Mwatandikilapo ni pepo nu kuyalila ni pepo ndi cakuti musambi wazumila.
3. Mutalandapo sana. Mwaika mano ku vyeo vino mukulanzyanyapo, nupya mwaleka musambi alanda vino akuyuvwa.
4. Lino mukutandika iciputulwa cimwi pa viputulwa 4 vikalamba, mwabelenga amazwi akulondolola vino umusambi alasambilila mu ciputulwa cico nupya mwalanda imitwe imwi ili mu ciputulwa kwene cico.
5. Nga mwamala iciputulwa cikalamba, mwapitulukamo pakuti mwazwe umusambi ukwiusya vino watasambilila.
6. Muli cila sambililo lino mukusambililamo:
mwabelenga mapalaglafu mu ciputulwa cakutandikilapo.
Mwabelenga malembo yonsi yano iyati “Belengini.”
Mwabelenga malembo na yauze ndi cakuti calondekwa.
Mwatambisya mavidyo yonsi yano iyati “Tambini” (ndi cakuti mungakwanisya ukucita vivyo).
Mwauzya umusambi mauzyo yonsi.
Mwaika mano ku vikope ivyaya mu ciputulwa cakuti “Londelezyini na Vyuze” nupya mwaleka umusambi alandapo.
Mwaomvya kambokosi kakuti “Ezyini vii” pa kwazya musambi kumanya vino angacita pakuti alunduluke muli vyakwe Leza. Limwi mungamukomelezya ukuti aomvye ivyeo ivyaya mukambokosi kakuti “Ezyini vii” vino yalanda ukwezya ukucita, pakuti aimike mauyo yamwi.
Mwauzya umusambi pakuti aminene ndi cakuti waipakizye ivipande nanti mavidyo mu ciputulwa cakuti “Londelezyini” lino wapekanyanga isambililo.
Mwaezya ukumala isambililo lyonga cila mulungu.
Pa cisila ci sambililo
7. Mwatwalilila ukwelenganya pa musambi winu. Mwapepa kuli Yeova ukuti apaala umusambi winu pali vino akulunduluka nu kumipeela mano akumanya vino mungamwazwa.