Mwaomvya Webusaiti Witu Lino Mukusimikila—‘Masuko ku Mauzyo Amuli Baibo’

Ndi mwayula pa jw.org mu Ciyemba alino mwatina apaakuti “Amasambilisho ya mu Baibolo”, mulazana apalemvilwe ukuti “Amasuko ku Mepusho ya mu Baibolo.” Tufwile ukumanya mauzyo aaya paapa yano antu aingi yakauzya, pakuti twalangilila yano tukusimikila ukuti amasuko amuli Baibo yaaya pali Webusaiti witu. Mauzyo yayo tungayaomvya na pakutandika ukulanzyanya na antu lino tukusimikila. Tungasoololapo iuzyo lino antu aaya umucifulo citu yangatemwa ukumanya icasuko, alino tunguzya wino tukusimikila ukuti ailandile vino wamanya apiuzyo kwene lilyo, nupya tungaomvya ivyeo ivyaya pa jw.org pakuti tumunene vino Baibo ikalanda. Pa cisila, tungamulondolwela nanti ukumunena kuno twazanyile ivyeo vivyo. Inzila nayuze u kuleka umwineco aiwelengele icasuko pali Webusaiti kwene. Umuci wa mwangalizi wa ciputulwa umwi, wazana ukuti akaomba ningo sana ukuomvya amazwi akuti: “Antu aingi yakauzya ukuti, ‘Uzye Leza aakalenga ukuti twacula?’ Uzye mungatemwa ukumanya icasuko mu masekondi sile 51?” Lyene akalizya amazwi akopelwe limwi yano wakopa pa Webusaiti. Pa kusyalikizya akayanena ukuti yangaca yalanzyanye ivyeo navyuze ivyaya umu cipande 11 umwi buku lyakuti Vino Baibo Ikasambilizya.