Mwaomvya jw.org Lino Mukusimikila—“Uye Cuza Wako Yeova”

Ciputulwa icaya pa jw.org icikati “Amasambilisho ya mu Baibolo” cakwata icipande icikati “Uye Cuza Wako Yeova” apaaya utunyimbo, tumavidyo, na tuuze utwakucita utwingi. Uzye mwatala mwaomvyapo icipande cii lino mukusimikila? Ndi cakuti mukasambilila Baibo nu muvyazi uwakwata ana anono, uzye citanga cizipe ukumulanga icipande kwene cico? Kucita vivyo kungalenga ukuti limwi ayule ni vipande vyuze pali webusaiti itu.

Umwina umwi lino yasiilanga antu kapepala kakuti Ilandwe Lya Wene Na. 38, wapeezile mama umwi kapepala, nawe atandika ukukawelenga papo kwene. Mama wiyo wakweti ana anono aingi alondesyanga ukumanya ivyali mu kapepala kako. Umwina walanzyanyizye panono na mama wiyo ivyeo ivyaya umu kapepala kako, nu kumulanga adelesi yakwe webusaiti itu iyaaya uku mpela ya kapepala kwene kaa. Lyene vino mama wii walondanga ukuvwikisya, umwina witu waomvizye foni wakwe uwakwata intaneti nu kuyula kavidyo kakwe Kalebu pakuti mama wiyo atambe pamwi na ana yakwe.

Nkazi witu umwi nawe wanenyile wino akaomba nawe incito pamwi na ana yakwe ukuti twakwata Webusaiti isuma, alino alanda ni vyayapo ivingavwa indupwa. Mama wiyo waile ayula jw.org pamwi na ana yakwe. Wanda umwi wanenyile nkazi witu ukuti ana yakwe yacinanga ala yakwimba ulwimbo lwakuti “Kosoola Izwi,” ulwaya pa cipande icikati “Uye Cuza Wakwe Yeova.”

Muelezye sana icipande cii ca pa jw.org, nu kukopa utunyimbo, tumavidyo, na tuuze utwayapo kuomvya kaombelo kinu kakwe intaneti? Nga mwacita vivyo, cilamwavwa sana ukuomvya icipande kwene cii ica pa jw.org lino mukusimikila. Cumi kwene jw.org i ciombelo cisuma sana icakutwavwa ukutumikila Umwene!—Mili. 20:19.