VINO SWE INA KLISTU TWAAYA
Kuomba Ningo Umulimo Wa Kusimikila—Ivyakuzana JW.ORG
CINO CACINDAMILA: Ulupapulo ululi lonsi luno tukaomvya pa kusambilizya antu Baibo lwakwata na pakulangilila jw.org. Nupya, umulandu uno twakwatila ka kadi kako jw.org. na kapeepala kakuti Uzye Aekwi Kuno Tungazana Amasuko ku Mauzyo Acindame Sana? u kulangilila antu webusaiti witu. Mungapeela umuntu ulupapulo longa pa mpapulo zino tukaomvya pa kusambilizya antu Baibo ukuomvya jw.org ukumutumila lupapulo pa intaneti nanti kutuma linki. Inzila ii ingaomba sana sana nga mukusimikila ku muntu wakuti akavwanga ululimi luze. Alino, insita zimwi antu yakauzya amauzyo akuti yasiasukwa umu mpapulo zino tukaomvya pa kusambilizya antu Baibo, fwayi ndi tukuyalanga ivyakuzana webusaiti witu tungaomba ningo umulimo wa kusimikila.
IVYAKUCITA:
Nga mwaya pakuti “MASAMBILILO AMULI BAIBO.” Tuti limwi mukusimikila uku muvyazi wino angatemwa ukumanya ivyeo na vyuze pa vyakukuzya ana. Mungayula apakuti MASAMBILILO AMULI BAIBO > ICUPO NU ULUPWA.
Nga mwaya pakuti “MPAPULO.” Tuti mukusimikila uku sukulu lyene mukulonda mulange wino mukasambilila nawe kabuku kakuti Masuko uku Mauzyo 10 Yano Acance Yakauzya. Mungayula apakuti MPAPULO > MABUKU NU TUMABUKU TUNONO.
Nga mwaya pakuti “PALI SWESWE.” Tuti mukusimikila kuli wino mukaomba nawe wino akulonda ukumanya pali vino twazumilamo. Mungayula apakuti PALI SWESWE > MAUZYO YANO ANTU YAKAUZYA SANA.
TAMBINI VIDYO AKUTI IVYAKUZANA JW.ORG, ALINO MULOLE PANO MUNGAYULA PA WEBUSAITI PAKWAZWA:
akakana-Leza
wino uzanzo wacitikile
umwina nanti nkazi umutoovoke
wino twasimikilepo aakalonda ukumanya vino impiya zikaomviwa umwi uvi litu
umuntu uwatafuma uku mpanga yuze akulonda ukuyazanwa umu kulongana ndi waswililamo