I Vyani Vino Mungasambilila Uku Nyimbo Zitu Izipusaneko?

I nyimbo ci zitu izipusaneko zino mwatemwisya? Nupya u mulandu ci? Uzye mukalola ukuti ivyaya umu mavidyo ya nyimbo zii i vintu ivikacitika umu umi? Vino zikalanda pa malyasi aapusanepusane aingi alino ni nzila ino zikaimbilwamo, zikaazwa antu yonsi. Nanti ciye vivyo, tutalinzile ukulalola kwati inyimbo zii izipusaneko na mavidyo ya nyimbo i vyakuizanzizyamo sile.

Muli cila lwimbo ulupusaneko, tungasambililamo vino swe Ina Klistu tungaomvya umu umi witu nu mu mulimo uwakusimikila. Inyimbo zimwi zikalanda pa kupokelelana, ukuya alemane, ucuza, ukusipa, ukutemwa, nu utailo. Zyuze nazyo zikalanda pa kuwela kuli Yeova, ukwelelana, ukuya akaele lyonsi, nu kwimika amauyo muli vyakwe Leza. Kwayako nu lwimbo ulupusaneko ulukalanda pali vino tulinzile ukulaomvya ningo amafoni. I vyani vyuze vino mwasambililako umu nyimbo zitu izipusaneko?

TAMBINI VIDYO YA LWIMBO ULUPUSANEKO ULWAKUTI: VYASYA VICITIKE, LYENE MWASUKE AMAUZYO ALONDELELAPO:

• A mapaalo ci yano atwalane akoloci yakwelenganyapo?—Utan. 12:3

• Uzye tungakomya uli utailo witu nga twelenganya pa maka yano Yeova wakwata aakufikilizya amalayo yakwe?

• I visuma ci ivili umupiipi nu kucitika?

• Uzye ukupaalila vino Uwene ulacita kukatwazwa uli ukuzizimizya intazi zino tukakwata ndakai?—Loma 8:25.