Yesu Alafumyapo Ivimvulunganya

Yesu wamanya vino cikauvwika ukucula pa mulandu ni vimvulunganya alino nu lufyengo. Yamupeezile imilandu ya ufi, yamumile, yamutwazile uku cilye, yamufyenzile nupya yamucuzizye sana nu kumukoma. Nanti cakuti wali uwa kaele, waitemiilwe ukupeela umi wakwe ukuya “ilambo pakuti akulule antu aingi.” (Mateo 20:28; Yoani 15:13) Lyene vino Umwene umu Wene Wakwe Leza, alalenga ukuti kuye umutende umu nsi yonsi, nupya kutalatala kuye ivimvulunganya nupya.—Ezaya 42:3.

Baibo ikalondolola vino ivintu vilaya lino Yesu alatandika ukuteeka pano nsi:

• “Kwasyala sile panono umwipe atalatala ayepo; ulalolekesya pano aipe yaali, lelo utalayalola. Lelo afuuke yalikala umu nsi, nupya yalaya ni nsansa izingi pa mulandu nu mutende umalilike.”—Masamu 37:10, 11.

Tungalanga uli ukuti tukataizya pali vino Yesu watucitila alino na vino alatucitila uku nkoleelo? Inzila yonga ino tungacitilamo vivyo, u kusambilila pi “ilyasi lisuma ilya Wene wakwe Leza,” lino Yesu walandangapo. (Luke 4:43) Belengini cipande icakuti “Uzye Uwene Wakwe Leza I Cani?”