I Vyani Vino Ningapepelapo?

Vino Baibo yalandapo

Wakwe vino Baibo ikalanda ukuti mungapepela pa vili vyonsi cikulu sile vikuvwana nu kulonda kwako Leza. “Wene akatuvwa nu kutwasuka pali consi cino twalenga kulingana nu kulonda kwakwe.” (1 Yoane 5:14) Uzye mungalanda pa vintu vya pa lwinu nanti ivikumusakamika lino mukupepa? Ee. Baibo ikati: “Mwamutula [Leza] amacuzi inu lyonsi.”—Masamu 62:8.

I vintu vimwi vino mungapepelapo aevi

• Utailo muli Leza.—Luka 17:5.

• Mupasi wakwe Leza, nanti maka yakwe Leza, aakutwazwa kulacita ivisuma.—Luka 11:13.

• Maka aakutwazwa kucimvya intazi nu kukana mezyo.—Filipi 4:13.

• Mutende wa mumelenganyo nanti kuteekeziwa.—Filipi 4:6, 7.

• Mano yakupingula ningo pa vintu.—Yakobo 1:5.

• Kutwazwa kuzana vino tukalondekwa cilawanda.—Mateo 6:11.

• Kwelelwa maifyo itu.—Mateo 6:12.