Mungaombako Umulimo wa Kusimikila nu Kusambilizya!

Lino Mose wapokelile umulimo wa kutandikilapo ukufuma kuli Yeova, welenginye ukuti atanga akwanisye. (Kufu. 4:10, 13) Uzye mwatala mwayuvwapo vivyo? Uzye mukasambilila Baibo na ya Nte Yakwe Yeova nupya mukasakamala ndi cakuti mungakwanisya ukusimikila uku ng’anda ni ng’anda? Nanti mwemwe yance aakatiina ukusimikila uku sukulu. Nanti limwi mukatiina ukusimikila ukukazanwa antu aingi nanti ukusimikila ukuomvya foni. Mwapepa kuli Yeova pakuti amupele umupasi wakwe uwa muzilo. (1 Pet. 4:11) Mwataila ukuti angamwazwa ukuomba umulimo uli onsi uno mwapeelwa.—Kufu. 4:11, 12.

TAMBINI VIDYO IYAKUTI: MWAYA ASIPE . . . MWE YA KASIMIKILA, LYENE MWASUKE AMAUZYO ALONDELELAPO:

• Intazi ci ino nkazi Aoyama wakweti?

• I cani icamwazwilizye ukuya umukome nupya umusipe?— Yele. 20:7-9

• Uzye ukulundulula imiombele yakwe umu mulimo wakwe Yeova kwamwazwilizye uli?

• Intazi ci zino Yeova angamwazwa ukucimvya lino mukuomba umulimo wa kusimikila?