Mwaya ni Cikuuku

Vino Yesu Wacisile

VIDYO: Yesu Wapozya Umonsi Uwali Impafu

1. Tambini VIDYO, nanti belengini Yoani 9:1-7. Alino mwasuke mauzyo alondelelapo:

1. Uzye icani cino Yesu watandikilepo ukucita pali vii; uzye ukupozya umonsi uwali impafu nanti ukumusimikila ilyasi lisuma?—Lolini Yoani 9:35-38.

2. Uzye mukwelenganya ukuti icani icalenzile umonsi wii alondesya ukukutika kuli Yesu?

I Vyani Vino Tukusambilila Kuli Vino Yesu Wacisile?

2. Umuntu alalondesya ukukutika kuli vino tukulanda ndi cakuti wamanya ukuti itumwikako mano.

Mwakolanya Yesu

3. Mwaya nu luse. Mwaezya ukwelenganya pali vino umuntu wiyo akuyuvwa.

1. Muyuzye mweineco muti: ‘I vyani limwi ivikusakamika umuntu wii? I vyani limwi ivingazwa umuntu wii?’ Ndi mukucita vivyo cilamwazwa ukulanga icikuuku umu nzila isuma ukufuma pansi ya mwenzo.

2. Mwalanga ukuti imwika mano kuli vino vikumucitikila lino mukukutika. Mutasenula ilyasi ndi cakuti umuntu waminena vino akuyuvwa nanti walanda pa ntazi zino akweti.

4. Mwaya ni cikuuku lino mu kulanda nupya mwaya nu mucinzi. Inzila ino tukulandilamo ingalenga wino tukusimikilako ukulola ukuti tukulondesya ukumwazwa nupya tukumuvwila uluse. Fwandi mwasoolola ningo amazwi yano mumalanda na vino mazwi yayo ya kuvwika, nupya mutalanda mazwi angamusosya.

5. Mwaazwa yauze. Mwalola inzila isuma yakwazwilamo yauze. Ndi cakuti tuli ni cikuuku antu yalalondesya ukulanda naswe.