Ibuku Lya Mpiti Ilikatwazwa na Ndakai
Antu aingi yacindika sana Baibo nupya yakailola ukuti iya muzilo. Lelo Baibo yaluta api buku lya muzilo ilikatunena vino tulinzile kupepa Leza. Mwaya kupanda mano kungatwazwa mu umi.
Loliniko vimwi vino yamwi yalanda pali vino Baibo yayazwa palwao ni visuma vino yazana mu kulondela kusunda ukwayamo.
“Umi wane wazipilako. Naya nu mutende mu melenganyo. Lyene naya sana ni nsansa.”—Fiona.
“Kusambilila Baibo kwangazwa kukwata umi usuma.”—Gnitko.
“Umi wane wazipa sana. Ndakai lyene nkaombako sile panono nupya nkaya sana pamwi nu lupwa.”—Andrew.
Kwaya ivisuma na vyuze ivingi. Antu aingi kuzinguluka insi yazana ukuti muli Baibo mwaya kupanda mano kusuma kungayazwa mu umi wao.
Lekini tulande pali vino Baibo ingazwa antu kuzifyako . . .
Umi
Amelenganyo
Ulupwa na ucuza
Miomvezye ya mpiya
Ukapepa
Vipande ivyalondelelapo vimatulanga vino Baibo yaya i buku ilyafuma kuli Leza na vino lingatwazwa mu umi witu.