Al 93
Lõñliñ In Bõk Kwunad ilo Ien Madmõd Eo
1. Jej bed ilo ien madmõd eo,
Juõn jerammõn jeban keiri.
Angel ro rej jerbal in madmõd,
Im ibbeir ebar wor kwunad.
Christ Jesus kar jino jerbal in
Ilo an kar jeor ine ko.
Ejejjet ien madmõd jonikõn;
Jen aini leen ko ’lo lõñliñ.
2. Emwij aini aolep ro rej wheat.
Mãr ko, emwij kalikar ir.
Rein rej kajeoñ in bõprae kij,
Rej jañ im kijdeken ñiir.
Don Jehovah rerreo im boub wõt.
Rej jerbal jen jibboñ ñõn boñ,
’Lap jonikõn kin ro rej einwõt sheep;
Jen jab ebwer in jibañ ir.
3. Ad yokwe Anij im ri turid
Ej kamakit kij bwe jen kaiur.
Jerbal eo in madmõd eaorõk,
Ke jej jelmaek jemlokin lõl.
Ien madmõd ej ien jerbal,
Jibañ aolep ri katak ro.
Elap ad lõñliñ ilo kwalok nan
Ilo ad bukõt ro rekãl.
4. Jesus Christ, Ri Madmõd eo, ej lo
Bwe emwij an kalo wheat ko.
Emouj jikin kallip in kwalok!
Elõñ rekõnan katak wõt!
Lõñliñ eo jej bõk jeban keiri.
Ke jej jerbal ibben Anij.
Jen boub wõt im jerbal ilo lõñliñ;
Im mol ñõne ’lo madmõd eo.