Bedbed eo Emõn ñõn Liki eo Rainin
RI JEJE bwebwenato im sociologist eo H. G. Wells, ear lotak ilo 1866, ear kajur kilan karelel eo an ion lemnak ko ilo ebeben eo kein ka 20. Ikijen men ko ear jei, ear kalikar tibdik in men eo ear tõmake bwe millennium eo, juõn tõre eo juõn thousand yiõ aetokin, enaj kar walok ibben wõnmanlok eo ikijen science. Kin menin, book eo Collier’s Encyclopedia ej kakememej kin “liki eo ejelok joñan an Wells” ke ear jerbal ilo an jab bõjrak ñõn an kowõnmanlok jibadbad eo an. Ak ej bareinwõt kwalok bwe liki eo an ear bedakilkil ke ear ebjak Bata eo an Lõl Kein ka II.
Ke Wells ear etal im kile bwe “science emaroñ kar jerbal ñõn nana im bareinwõt ñõn emõn, tõmak eo an ear makunlok, im ear jenliktak im wõr an bere,” book eo Chambers’s Biographical Dictionary ej kwalok. Etke ear walok menin?
Tõmak im liki eo an Wells rar bedbed ion elaptata tõbrak ko armij rej kõmmõni. Ke ear kile bwe armij rar jab maroñ tõbar wãwen eo ewãppen ekkar ñõn lemnak eo an, ejelok bar juõn jikin ear maroñ oktaklok ñõne. Kin ebwer ear mõkaj an oktak im bere.
Rainin, elõñ armij rej iion ejja kain lemnak rot in wõt. Rej ibweplok kin liki ñe rej jodikdik wõt ak rej oktak im bere ke rej rittolok. Elõñ meñe ro redik ak rej bõjrak jen men eo rej naetan wãwen dein mour im kõnan bõk unokan kadõk, mour in kijoñ, im wãwen style in mour ko jet rej kõmmõn jorrãn. Ta mejelan eo?
Liki Ibwiljin Menin Kaeñtan ko
“Kwon jab alliñũrñũr kin ro rej kõmmõn nana,” King David ear keañ. “Kwon jab junmare nae ro rej jerbal ilo jab wãnik.” (Psalm 37:1) Emol, men in ej nan in kakabilek emeletlet, kinke rainin jab ekajet jimwe im ankeke rej aolep bed ibelakid.—Ecclesiastes 8:11.
Bõtab, meñe jejjab junmade ro rejjab wãnik, ebidodo bõk eñjake in rub buru ñe jej lo an armij ro ejelok rueiir eñtan ilo pein eo enana ak ñe ejjab jimwe an armij ro ekajete. Wãwen rot kein remaroñ ejaake juõn lemnak in ebwer ak bere ibbed. Ñe jej bõk eñjake in, ta eo jej aikwij kõmmõne? Moktata, jemaroñ likit ilo ad lemnak bwe ri nana ro rejjab maroñ bõk juõn lemnak bwe rejamin bõk kaje kin ta eo rar kõmmõni. Psalm 37 ej etal wõt im kamol ñõn kij ilo 2 eon: “E naj mõkõj in bukwe ir [ri kõmmõn nana] einwõt ujoij, im renaj aimerlok einwõt mar e maroro.”
Kobatok ibben menin, jemaroñ etal wõt im kõmmõn emõn, bed wõt ilo liki, im kõttar Jehovah. “Kwon illok jen nana im kõmõn emõn, im bed ñõn in drio,” ri jeje psalm ej ba. “Bwe Jeova ej yokwe ekajet, im E jab illok jen ro remõn an.”—Psalm 37:27, 28.
[Pija eo ilo peij 4]
H. G. Wells
[Etan eo ej kõmman]
Corbis-Bettmann