Juõn King Ewõr Mweie Im Meletlet Ibben
Kwoj lemnak ke bwe mweie enaj kamõnõnõik yuk? Elañe juõn armij ear lewaj juõn joñan money elap ñan yuk, kwo jamin kar mõnõnõ ke? Bõlen kwo naj kar. Kwo naj kar lemnak kin elõñ wãwen ko ñan am kajerbale.
EMOL, elõñ men ko ñan wiaiki in kõmman bwe mour en laplok an jokane im kalañliñ. Money emaroñ bareinwõt “men in kouk” nae abañ ko ejelok kar kõtmene kaki, einwõt nañinmij ak ejelok jikin jerbal.—Ecclesiastes 7:12.
Ak ta kõtan eo ikõtan money im mõnõnõ? Kwoj lemnak ke, einwõt an elõñ lemnak, bwe mõnõnõ ej juõn men eo ej walok jen mweie? Lo uak ko ñan kajitõk kein emaroñ bin kinke money bidodo joñe, ak bwini, ak mõnõnõ ejjab maroñ. Kwoj jab maroñ likit mõnõnõ ion juõn kein paun im pauni.
Bareinwõt, jet armij ro remweie einwõt remõnõnõ, ke ro jet rejjab jokane. Menin ej bareinwõt mol ibben ro rejeramel. Ak, elõñ wõt armij—meñe ro ededelok air mweie—rej tõmak bwe korlok wõt money enaj kalaplok air mõnõnõ.
Juõn armij eo ear jeje kin kain wãwen rot kein kar King Solomon in Israel eo etto. E kar juõn ian armij ro rar mour im ear lap air mweie. Kwo maroñ konono kin juõn kamelele eo kin an kar lap an mweie ilo jebta eo kein ka 10 in book in Bible eo ilo 1 King. Ñan wanjoñok, lale bwe 14 eon ej kalikar: “Erroõn gold eo e ar itok ñõn Solomon ilo juõn yiõ jiljino buki im jiljinoñoul jiljino talent in gold.” Joñan in ej einlok wõt 25 tõn in gold. Rainin, joñan gold in enaj kar aorõkin elaplok jen $200,000,000, U.S.!
Ak, Solomon ear jab baj mweie wõt; Anij ear kajerammõn e kin meletlet. Bible ej kwalok: “Ein dein kiñ Solomon e ar mweielok im meletletlok jen kiñ ro otemjej ilo lõl im dri lõl otemjej rar kõnan ber iben Solomon, bwe ren roñjake an meletlet, eo Anij e ar likit ilo buruen.” (1 Kings 10:23, 24) Kij bareinwõt jemaroñ bõk tokjen jen meletlet eo an Solomon, ke jeje ko an rej mõttan lokbook in Bible eo. Jen lale ta eo ear aikwij ba kin kõtan eo ikõtan mweie im mõnõnõ.
[Etan eo ear kõmman pija ilo peij 3]
Kar bar kõmmane jen Die Heilige Schrift - Übersetzt von Dr. Joseph Franz von Allioli. Druck und Verlag von Eduard Hallberger, Stuttgart