Nan Ko Am Rej Wãkare Ke Ak Kemour?

ILO ien kein rekanuij bin, ebin ad ilbõk kin an lõñ armij ro “erup burueir” im “rub bedakilkil ilo jitõb.” (Sam 34:18) Kin menin, ilo nan ko an an ri jilek Paul, ewõr juõn aikwij ñan “kowe ro re jelomene,” im ñan “jibõñ ro re mõjino.” (1 Tessalonika 5:14) Ak ta elañe armij ro mõttad rej lõkatibi kij ak kõmman juõn bwed elap? Ilo juõn wãwen eo einwõt in, jemaroñ bõk juõn eñjake bwe ewõr ad jimwe in kajimwe armij eo. Bõtab, ejimwe bwe en wõr kejbãrok. Nanin kakabilek, meñe ekkar, emaroñ menin kõmetak elañe jej lelok ilo juõn wãwen elãj. Jabõn Kennan 12:18 ej ba: “Eor e jamõr an konono, einwõt wã ko an juõn jãji.”

Kin menin, ñe jej etal in lelok nanin kakabilek ak jerbale juõn men ebwed melele kake, elap tokjen bwe jen kememej mõttan eo kein karuo in Jabõn Kennan 12:18: “A loen dri meletlet, ej mour emõn.” Ien otemjej kajitkin yuk make, ‘Elañe ij aikwij kajimwe, enaj ewi wãwen aõ jerbale?’ Elõñ wõt iad elap ad emmakit ñan nanin kõketak ko jen nanin ennotata ko. Inem jen joij koba ibben nanin nebar. Ekkã an menin lelok ñan eo ej kõmman bwed bwe en jelã kwonan ñan kõmman wõnmanlok, im emaroñ kamolol kin jabdewõt jibañ eo ej etal ñane.

Elap tokjen bwe ien otemjej jen lale bwe en emõn nan ko ad kin inemõn! Nanin kemour ko renaj likit ri roñjake eo bwe eñjake eo an en einwõt eo an ri jeje Sam, eo ear je: “Ro dru wãnik ren ubrare iõ, e naj men in yokwe; im en kowe iõ, e naj einwõt oil ilo bõra; bõra en jab abwin e, bwe ilo air bwir wõt aõ jar e naj walok.”​—Sam 141:5.