Service Meeting Ko Ñan June
Week Eo Ej Jino Jen May 31
Al 64
8 min: Nan in kejelã ko. Nan in kejelã ko rekkar jen Ad Jerbal Ñan Ailiñ Eo. Theocratic News.
17 min: “Katakin Ro Jet Ñan Air Bõk Tokjen Ko Remõn.” Kõmman bwe nan in kabellok ko ren diklok jen juõn minute aetokin, im jeltokin etale katak eo ilo kajitõk im uak. Ilo kajerbal katak 26 ilo book in Mour Indrio, kwalok kin ewi wãwen armij rej bõk tokjen ilo juõn wãwen ekeie ilo air katak, melele, im jerbale nan in kakabilek ko ilo Bible.
20 min: “Wãwen Ko Ñan Kalaplok Jerbal In Kwalok Nan Eo Am.” Ruo elder ro rej etale katak in ilo air uak kajitõk ko jen kajjojo armij jen ri kwelok ro. Juõn ri kwalok jodikdik, ruo ri belele ro, im juõn brother eo ej bojak in retire rej kajitõk kin wãwen ko remaroñ kalaplok jerbal in kwalok eo air. Rej kwalok nan in rejañ ko rekeie jen katak eo im katak 9 ilo Our Ministry book eo, iumin katak eo “Ta Mejenkajjik ko Am ilo Jitõb kin Ilju im Jeklaj?,” ilo peij 116-18. Ri kwalok ro rej kwalok air kamolol kin kamelele ko rej jibañ me Society ej litoki kin ewi wãwen remaroñ karõk ñan kalaplok jerbal in kwalok nan eo air ilo ran ko rej itok.
Al 42 im kajemlok kin jar.
Week Eo Ej Jino Jen June 7
Al 83
10 min: Nan in kejelã ko. Report in account.
15 min: Ta Karõk ko Am kin Summer in? Juõn family ej elij karõk ko air ñan bed ilo convention eo, auxiliary pioneer, kakije, im kin men in kamõnõnõ ko. (Lale June 1998 Ad Jerbal Ñan Ailiñ Eo, peij 7.) Rej bwebwenato kin ewi wãwen remaroñ karõk ñan air kwalok nan ilo jabdewõt ien emõn tok, im rej demonstrate kin ewi wãwen remaroñ jino juõn bwebwenato. Kalikar aikwij eo ñan kejbãrok ien air katak ibbeir make im ibben family eo, ñan bed ilo kwelok ko an congregation eo ñe rej itoitak, im ñan jilkinlok report in kwalok nan ko air ñan congregation eo air make. Family eo ej bwebwenato kin experience ko remõn rar loi ke rar lolok congregation ko jet im lañliñ eo rar eñjake. Rej lemnak kin wãwen ko remaroñ kwalok karuwainene ñan jabdewõt ri lotok ro rej itok ñan congregation eo.
20 min: “Jibañ Eo Emol ñan Family eo.” Elder eo ej kwalok juõn katak eo ej kwalok kin nan in rejañ ko rekeie jen January 1999 Watchtower ilo kajin belle, peij 3-5. Kir ri kwelok ro ñan uak kin ewi wãwen jerbale nan in kakabilek ko ilo Bible ear jibañ ir ñan kakõmõnmõnlok mour in family eo air.
Al 7 im kajemlok kin jar.
Week Eo Ej Jino Jen June 14
Al l0
10 min: Nan in kejelã ko.
15 min: “Karõk Lok Iman!” Juõn katak eo ej elij kin aolep makitkit ko rar karõk kaki ilo bukwon eo ilo alliñ ko rej berotok iman. Rejañ aolep ñan kakõlleik calendar ko air im jab kõtlok bwe men ko jet ren bõprae.
20 min: “Anij ej Mol ke ñan Yuk?” Katak eo ej wawa ion April 1999 Watchtower ilo kajin belle, peij 29-31. Interview juõn ri kwalok eo ear kõmanmõnlok an katak ibben make ilo an kõmman etale ko jet. Rejañ aolep ro rej bed ilo kwelok eo ñan kõmman juõn program in read Bible ran otemjej.
Al 11 im kajemlok kin jar.
Week Eo Ej Jino Jen June 21
Al 23
15 min: Nan in kejelã ko. Elij letter jen Society eo an October 15, 1998, ikijen Please Follow Up (S-43) form eo. Kamelele kin ewi wãwen men in emaroñ jibañ ñan jeblak ibben ro rej itoklimo me rar lo ir ke rar kwalok nan ilo jabdewõt ien emõn tok im ke rar iion armij ro rej konono bar juõn kajin.
12 min: Box in Kajitõk. Katak an juõn elder.
18 min: Jej Bõk Kunad ke ilo juõn Jerbal in Kejebel? Katak eo ej kamakit yuk an service overseer eo, eo ej wawa ion July 1, 1997, Watchtower ilo kajin belle, peij 30-31.
Al 12 im kajemlok kin jar.
Week Eo Ej Jino Jen June 28
Al 19
15 min: Nan in kejelã ko. Kakememej aolep ñan kadeloñ report in kwalok nan ko air ilo June. Elij kin book in lelok eo ilo July. Ñe rej lelok book eo Mour Indrio, ri kwalok ro remaroñ lelok bareinwõt juõn 192-peij book emor me elõñ ilo congregation eo. Kõmman juõn demonstration kin juõn ennan, im bõkmantak kin karõk in jabawõt eo.
15 min: Aikwij ko an congregation eo.
15 min: Ta Eo Ebwid Kin Kabuñ Eo Aõ? Bwebwenato ikõtan ruo ministerial servant ro. Jej iion elõñ armij ro rej kwalok air mõnõnõ kin mol eo im rej kautiej Ri Kennan ro an Jehovah. Bõtab, lukluk ko ñan kabuñ eo air ej kautameik ir. Ebin air tõmak bwe ewõr ibbed kabuñ eo wõt emol im wãwen kabuñ eo air ebwid. Men in ej erom juõn kein bõprae elap ñan wõnmanlok eo air ilo jitõb. Brother ro rej elij jiljino point ko rej konono kaki ilo peij 204 ilo book in Reasoning, ko rej kwalok ilo alikar bwe kabuñ ko jet rejjab lor Bible eo. Rejañ ri kwelok ro ñan kajerbal point kein ilo jelã kilen ñan jibañ ro emol burueir ñan etale tõmak in kabuñ ko air.
Al 24 im kajemlok kin jar.