Kwalok Am Itoklimo—Ilo Am Lelok Nan in Nebar
1 Nan in nebar eo emol ej kõketak armij, kamakit ir ñan emmakit, im bõktok lañliñ ioir. Elõñ ri kwalok ro rar lo bwe lelok nan in nebar ekkã an jibañ ñan ad lo ro rej mõnõnõ in roñjake ilo jerbal in kwalok nan. Ewi wãwen ad maroñ nebar armij ñe jej bukõt ir bwe jen kwalok kin news eo emõn ibbeir?
2 Lale Belakim: Jesus Christ ear lo jerbal ko remõn an congregation ko jiljilimjuõn ilo Asia Minor. (Rev. 2:2, 3, 13, 19; 3:8) Ejja eindein, itoklimo eo emol kin armij ro jej iion ir ilo jerbal in kwalok nan eo ad enaj kamakit kij ñan bukõt wãwen ko ñan lelok nan in nebar. Ñan wanjoñok, juõn em emõn im aibujuij belakin, juõn jemen ak jinen eo me ej kwalok an lukkun yokwe ro nejin, ak juõn ri mweo ejoij im ej yokwe kij aolep, men kein rej letok ien ko remõn ñan kij ñan lelok nebar. Kwoj mõnõnõ ke in lale im kortokjen ien rot kein remõn?
3 Kwon juõn Ri Roñjake Emõn: Ñe jej kwalok nan ñan ro jet, kõtlok bwe ren kwalok lemnak ko air ikijen am kwalok kajitõk ko rekkar. Kwalok am kautiej ir ilo am lukkun roñjake ta eo rej ba. (Rom. 12:10) Bõlen, kwo naj lo jet men ko rej ba me kwo maroñ nebar ir kaki im kwo maroñ ejaake bedbed in bwebwenato eo am kwar jinoe.
4 Kajerbal Lolokjen: Ta eo jemaroñ kõmmane elañe juõn ri mweo ej ba juõn men me ejjab errã ibben mol eo ilo Bible? Jen ad jumae nan ko an rejjab jimwe, kwalok kamolol kin nan ko an im wõnmanlok wõt im ba “Ij lo bwe elap am kar lemnak kin katak in.” (Kol. 4:6) Meñe armij eo ekõnan akwel, jemaroñ nebar wõt e kin an lukkun itoklimo kin katak eo. Wãwen kebak rot in ejoij emaroñ kõmman bwe eo ear lukkun jumae news eo emõn en oktak lemnak eo an.—Ken. 25:15.
5 Bwe en kõketak, nan in nebar eo jej tilmake ej aikwij mol. Kajerbal nan ko rej kalek ej nebar Jehovah im emaroñ karel ro jet ñan ennan in Ailiñ eo.