Juõn Jikin Kallip E Aibujuij

BAJ lale mõk lõl eo ijin! E mõke lap an aibujuij! Lale mõk ujoij ko im wijki ko, wut ko im aolep men in mour ko. Kwoj lo ke kiru elbõn eo im kiru laiõn ko?

Ekijkan an kar walok jikin kallip in e aibujuij? Eokwe, jen lale wãwen Anij e ar kaboj lõl in ñõn kij.

Mokta, Anij e ar kõmõn bwe ujoij emaroro en kalibubu ene. Inem e ar kõmõnmõn aolepen men in edrek ko redrik im mãr im wijki ko. Men in edrek kein rej jiban kaibujuij lõl in. Ak elõñlok men ko rej kõmõn jen baj men in wõt. Elõñ iair rej bareinwõt letok ñõn kij ekõn ko renno ñõn ar mõña.

Tokelik Anij e ar kõmõnmõn iik bwe ren ao ilo lojit im bao ko bwe ren ekaki ilo mejatoto. E ar kõmõnmõn kiru ko im kuj im kiru ors; men in mour ko re klip im men in mour ko redrik. Kain men in mour rõt rej jokwe ebak mweo imõm? Ejjab jen kar mõnõnõ ke bwe Anij e ar kõmõnmõn aolepen menkein ñõn kij?

Eliktata, Anij e ar kõmõn juõn mõttõn in lõl eo bwe en juõn jikin ejej uan. E ar naetan jikin in jikin kallip in Iden. E ar lukken wãppen. Men otemjej ie r’ar lukkun aibujuij. Im Anij e ar kõnan bwe aolepen lõl en erõm einwõt jikin kallip in me e ar kõmõne.

Ak kwon bar lale mõk pija in jikin kallip in. Kwo jela ke ta eo Anij e ar lo bwe e likjap? Jen lale.