Traveling Overseer Ro​—Menin Letok Ilo Armij

“Ke E ar wõnliñlok ñõn lõñ E ar bõklok jibokwe; E ar lelok menin letok ilo armij.”​—EPESÕS 4:8, New World Translation.

1. Ta jerbal eo ekãl kar kõjela kake ilo journal in ilo 1894 eo?

IUMIN juõn ebeben eo emotlok, Imõniaroñroñ eo ear kõjela kin juõn men ekãl. Kar kwalok kake einwõt “Bar Juõn Ra in Jerbal in kwalok nan.” Ta eo ekoba ilo makitkit in ekãl? Kar jinoin an ejaak jerbal in traveling overseer ro ilo ran kein. Journal eo an September 1, 1894, ear kamelele bwe jen ien eo im mantak brother ro tellokir renaj kar lolok kumi in ri katak Bible ro ‘kin un in ñõn kalek ir ilo mol eo.’

2. Circuit im district overseer ro ta eddo ko air?

² Ilo ebeben eo kein kajuõn C.E., Christian congregation ko overseer ro einwõt Paul im Barnabas rar lolok ir. Maan tiljek rein ear bed mejenkajjik eo ibbeir ñõn ‘ejaake’ congregation ko. (2 Korint 10:8) Rainin, jej bõk jerammõn kin thousand maan ro rej kõmmõne menin ilo juõn karõk eo wãwen lok wõt. Governing Body eo an Ri Kennan ro an Jehovah emwij an jitõñ ir einwõt circuit im district overseer ro. Juõn circuit overseer ej jerbal ilo enañin 20 congregation ko ilo juõn week ñõn juõn im ruo alen ilo juõn yiõ, im etale record ko an congregation eo, kwalok katak ko, im bõk kwunan ilo jerbal in kwalok nan ibben ri kwalok ro an Ailiñ eo ilo bukwon eo. District overseer eo ej chairman eo ñõn kajjojo circuit assembly ko ilo yiõ otemjej ilo elõñ circuit ko, bõk kwunan ilo jerbal in kwalok nan ibben congregation ko ej lolok, im lelok kakajur ilo katak ko rej bedbed ilo Bible eo.

Jitõbõn Karmijetek Kõnan Ko Air Make

3. Etke traveling overseer ro ej aikwij wor ibbeir juõn jitõbõn karmijetek ir make?

³ Traveling overseer ro emakijkij air itoitak. Menin make ej aikwiji juõn jitõbõn karmijetek kõnan ko air make. Etal jen juõn congregation ñõn bar juõn emaroñ ekkã an bin, ak maan rein im limaro beleir rej kõmmõn eindein ilo juõn lõñliñ ilo lemnak. One circuit overseer ear ba: “Lio ibba elap an rejtak iõ im jab abõnõnõ . . . Ej tellokin bwe en bõk nebar kin an kwalok jitõbõn katok mour eo an.” Jet circuit overseer ro rej itoitak elõñlok jen 600 mile ko ikõtan congregation ko. Elõñ iair rej kattõr wa ko wair, ak elõñ iair rej etal jen jikin ñõn jikin ilo air uwe ion taxi ak bus ko, bicycle, horse, ak etetal wõt. Juõn ri Africa circuit overseer ear inek lio ibben ion aeran ke rar kijone juõn river ñõn tõbar juõn congregation. Ilo trip ko an, ri jilek Paul ear aikwij kijenmij ilo ien bwil im bio, ke ear kwuli im mãro, ilo ien ko ear jab kiki ilo boñ, ilo elõñ kauatata ko, im matõrtõr ko relap. Bareinwõt ear “inebata kin congregation ko otemjej”​—juõn experience ekkã an walok ñõn traveling overseer ro ilo ran kein.​—2 Korint 11:23-29.

4. Abañ ko kin ejmour remaroñ jelet mour ko an traveling overseer ro im kõra ro beleir ilo wãwen et?

⁴ Einwõt leo mõttan Paul Timothy, traveling overseer ro im limaro beleir jet ien ewor air abañ kin ejmour. (1 Timothy 5:23) Menin ej kõmmõn an laplok air eddo. Juõn kõra belen juõn circuit overseer ej kamelele: “Ien otemjej ij bed ibben brother ro im ejjab emõn aõ mour ej juõn menin eddo ñõn iõ. Elaptata ñe ej ien aõ bõk nañinmij in kõra, ij lo an menin bin ñõn iõ. Ilo ad aikwij kabojak im kakoni men ko mweier aolep week im emmakit ñõn bar juõn jikin ej lukkun juõn menin aitwerõk. Ekkã aõ kõnan aikwij bõjrak im jar ñõn Jehovah bwe en kakajur iõ ñõn aõ wõnmanlok wõt.”

5. Meñe elõñ kajju wãwen melejoñ ko, ta jitõb eo ej alikar ibben traveling overseer ro im kõrã ro beleir?

⁵ Meñe ewor abañ ko kin ejmour im melejoñ ko jet, traveling overseer ro im kõra ro beleir rej lo lõñliñ ilo jerbal eo air im kalikar yokwe eo rej karmijetek kõnan ko air ie. Jet ear menin kauatata ñõn mour ko air ñõn air lelok jibañ ilo jitõb ilo ien matõrtõr ko ak kiojaljal in tarinae. Ñe rej lolok congregation ko, rej kalikar juõn jitõb eo einlok wõt eo an kar Paul, eo ear jiroñ Christian ro ilo Tessalonika: “A kim ar joij iolapemi einwõt ke lio dri kõkajiriri ej lale ro nejin. Ein dein kin an lap am yokwe kom, kim ar kõnan lewoj ñõn kom jab gospel eo wõt, a bareinwõt am mour, bwe kom jitenburu ibem.”​—1 Tessalonika 2:7, 8.

6, 7. Ta karelel eo emol jerbal eo elap an traveling overseer ro emaroñ letok?

⁶ Einwõt elder ro jet ilo congregation eo an Christian, traveling overseer ro “rej kate ir jerbal ilo konono im katakin.” Aolep elder rot kein rej aikwij “kile ir einwõt tellokin lelok kautiej.” (1 Timothy 5:17, NW.) Joñok eo air emaroñ kamol an wor tokjen elañe, elikin ‘etale wãwen an walok mwilir, jej kajeoñwe tõmak eo air.’​—Hebrew 13:7 (NW).

⁷ Jet ian traveling elder ro rej jelet ro jet ilo wãwen et? “Kar juõn karelel eo emõn an Brother P​—, ilo mour eo aõ!” juõn Ri Kennan an Jehovah ear je. “E kar juõn traveling overseer ilo Mexico jen yiõ eo 1960 manlok. Einwõt juõn ajiri, iar kõttar im kijoror kin ien lotok ko an ilo lõñliñ. Ke kar joñoul yiõ detta, ear jiroñtok iõ, ‘Kwe bareinwõt kwoj etal ñõn am juõn circuit overseer.’ Ilo yiõ in jodikdik ko rebin, ekkã aõ kin bukõt e kinke aolep ien ewor ibben nan in meletlet ko ñõn an letok. Men eo ear lap an lemnake ilo mour eo an kar ñõn shepherd e bwij eo! Kiõ ke ña ij juõn circuit overseer, aolep ien ij kajeoñ lelok aõ ien ñõn ro redik im kaketak ir bwe ren likit tokjen ko an Ailiñ eo imair einwõt mejenkajjik ko air einwõt an kar kõmmõne ñõn iõ. Meñe ilo yiõ ko eliktata in an mour, meñe ear wor abañ ko kin an mõjno an menono, Brother P—, aolep ien ej letok nan in kakajur. Juõn wõt ran mokta jen an mij ilo February 1995, ear illok ibba lok ñõn juõn ran in special assembly im likit mejenkajjik ko ewor tokjeir iman juõn brother eo ej juõn architect (ri kõmmõn picture in ekkal em). Brother eo ear mõkaj im kane juõn an paper in jerbal ilo Bethel.”

Rej Kamolol Ir

8. Wõn ro rej “menin letok ko ilo armij” ej walok ilo Epesõs jebta 4, im ewi wãwen an wor tokjeir ñõn congregation ko?

⁸ Traveling overseer ro im elder ro jet rej mõnõnõ in bõk eddo ko ilo jerbal eo kin joij eo an Anij rej naetair “menin letok ko ilo armij.” Einwõt eo ej itok ikijen Jehovah im Bõran Congregation eo, Jesus ear letok maan rein ilo jitõb bwe ren maroñ kalek kij einwõt kajjojo armij ñõn ad tõbar ad ritto. (Epesõs 4:8-15) Jabdewõt menin letok ej tellokin bõk kile im kamolol. Elaptata an mol menin ilo juõn menin letok eo ej kakajur kij ñõn ad jerbal wõt ñõn Jehovah. Inem, ewi wãwen ad maroñ kalikar ad kamolol kin jerbal eo an traveling overseer ro? Ilo wãwen et ko jemaroñ kalikar bwe jej ‘debij wõt maan rein einwõt jitenburu’?​—Pilippai 2:29 (NW).

9. Ilo wãwen et ko jemaroñ kwalok ad kamolol traveling overseer ro?

⁹ Ñe rej kõjela kin ien lotok eo an circuit overseer eo, jemaroñ jino kõmmõn karõk ñõn kalaplok ad bõk kwunad ilo makitkit ko an congregation eo ilo week eo. Bõlen jemaroñ kajenolok jet ien ñõn rejtak karõk ko kin jerbal in kwalok nan ilo ien lotok eo. Bõlen jemaroñ jerbal einwõt auxiliary pioneer ilo alliñ eo. Emol jenaj kõnan jerbale nan in rejañ ko an circuit overseer eo ñõn kõmõnmõnlok jerbal in kwalok nan eo ad. Ilo bõk kain jitõb rot in enaj wor tokjen ñõn kij im naj kamol ñõn e bwe lotok eo an ej juõn eo ewor tokjen. Aet, traveling overseer ro rej lolok congregation eo ñõn kalek kij, ak ir bareinwõt rej aikwij bar kalek ilo jitõb. Ear wor ien ko ke Paul ear bed ilo an aikwij kakajur, im ekkã an kin kajitõk ibben Christian ro mõttan bwe ren jar kin e. (Jerbal 28:15; Rome 15:30-32; 2 Korint 1:11; Kolosse 4:2, 3; 1 Tessalonika 5:25) Traveling overseer ro ilo ran kein ilo wãwen in lok wõt rej aikwiji jar ko ad im kakajur.

10. Ewi wãwen ad maroñ jibañ kõmmõn bwe jerbal eo an traveling overseer en juõn lõñliñ?

¹⁰ Emwij ke ad jiroñlok circuit overseer eo im kõra eo ibben kin joñan ad kamolol kin ien lotok ko air? Jej kamolol e ke kin jibañ in kakabilek eo ej letok ñõn kij? Jej kõjelaik ke e ñe nan in rejañ ko an kin jerbal in kwalok nan rej kalaplok ad lõñliñ ilo jerbal in kwalok nan eo? Elañe jej, menin enaj jibañ ñõn kõmmõn bwe jerbal eo an en juõn menin lõñliñ. (Hebrew 13:17) Juõn circuit overseer ilo Spain elaptata an kar kwalok kin joñan an kar e im lio ibben kaorõk letter in kamolol ko rar loi elikin air lolok congregation ko. “Kimij kejbarok card kein im read i ñe kimij eñjake am mõjno,” leo ej ba. “Rej lukkun juõn unjen kakajur.”

11. Etke jej aikwij kõjelaik kõrã ro belen circuit im district overseer ro bwe ewor ad yokwe im kamolol ir?

¹¹ Kõrã eo belen traveling overseer emol ej bõk tokjen jen nan in nebar ko. Kõrã eo elap an karmijetek e make ñõn an jibañ leo ibben ilo jerbal in kwalok nan in. Sister rein retiljek rej bõprae kõnan eo ñõn an wor imwir make im ilo elõñ wãwen ko rej bareinwõt kõnan bwe en wor nejeir ajiri. Ledik eo nejin Jephthah kar juõn ian ro ri karejaran Jehovah eo ear mõnõnõ in kõtlok ien eo ear emõn ñõn e ñõn an wor juõn belen im juõn an family kin wõt kallimur eo jemen ear kõmmõne. (Ri Ekajet 11:30-39) Ewi wãwen air kar lemnak kin an kar karmijetek e make? Ri Ekajet 11:40 ej ba: “Bwe ro nejin kõra nejin Israel rar ilok yiõ otemjej, bwe ren kememej lio nejin Jepta dri Giliad eo, iomin emen ran ilo juõn yiõ.” Ej juõn men emõn ñe jej jibadbad bwe jen jiroñlok limaro belen circuit im district overseer ro bwe jej yokwe im kamolol ir!

“Jab Meloklok Karuwainene”

12, 13. (a) Ta bedbed eo ilo Jeje ko ilo Bible ewor ñõn karuwaineneik traveling overseer ro im kõrã ro beleir? (b) Wanjoñok kin wãwen an karuwainene rot in maroñ wor tokjen.

¹² Kwalok karuwainene ej bar juõn wãwen kalikar yokwe im kamolol ñõn ro ilo jerbal in traveling eo an Christian. (Hebrew 13:2) Ri jilek John ear nebar Gaius kin an kar karuwaineneik ro rar lolok congregation eo einwõt traveling missionary ro. John ear je: “Kwe jitenburu, kwoj kõmõn jerbal etiljek ilo jabrewõt men eo kwoj kõmõne ñõn ro rej jimjãn jimjãten im e drua maejet, ro rar kennan kin am yokwe iman mejen eklisia. Im elañe kwoj kowõnmanlok ir ilo air etal ek ar ñõn Anij, enaj emõn am kõmõn. Bwe kin Ãt eo rar ilok im jab bõk jabrewõt jen ro dri pegan. Inem emõn jen jibõñ ro rej eirwõt, bwe dri jerbal ibeir ñõn mol. Kin menin, kimij bed iomin eddo ñõn bõk armij rot in ilo karuwainene, bwe jen oktak im ri jerbal ro mõttair ilo mol eo.” (3 John 5-8) Rainin, jemaroñ kalaplok makitkit in kwalok nan eo an Ailiñ eo ilo ad kwalok kain karuwainene rot in ñõn traveling overseer ro im limaro beleir. Bwebota, elder ro ilo bukwon eo rej aikwij lale bwe jikin air bed im jokwe en emõn, ak juõn district overseer ear ba: “Ke kimij bõk kwunam ibben brother ro menin ejjab maroñ bedbed ion wõn eo emaroñ kõmmõni men ko ñõn kim. Kim naj jamin kõnan lelok eñjake in. Kimij aikwij kõnan bõk karuwainene eo an jabdewõt ro jeõm im jatõm, mweie ak jeramel.”

¹³ Karuwainene emaroñ wor tokjen ñõn ir im kij jimor. “Ilo family eo aõ, ej juõn am manit ñõn kirtok traveling overseer ro bwe ren jokwe ibbem,” Jorge ej kememej, juõn eo ear bõk jerbal in circuit overseer mokta im kiõ ej jerbal ilo Bethel. “Ij eñjake bwe ien lotok kein rar jibañ kim elaplok jen aõ kar maroñ kile. Ilo ien eo iar dik wõt, ear wor abañ ko aõ ilo jitõb. Jinõ ear inebata kin menin ak ear jab jela lukkun wãwen eo ñõn jibañ iõ im kin menin ear kajitõk ibben circuit overseer eo bwe en konono ibba. Ilo jinoin iar jab kõnan kebake, bwe iar mijak ñe ear notaiki iõ. Ak baotokin joij eo an ear karel iõ bwe in bellok ñõn e. Ear kir iõ bwe in mõñã ibben juõn Monday, im iar kabellok buruõ kinke iar lukkun tõmak bwe ear melele kake iõ. Ear lukkun roñjake iõ. Nan in kakabilek ko an rar lukkun jerbal, im iar jino eddeklok ilo jitõb.”

14. Etke jej aikwij kamolol jen ad ennotataiki traveling elder ro?

¹⁴ Juõn traveling overseer ej kajeoñ jibañ ilo jitõb ro redik im ritto jimor. Inem, emol, jej aikwij kwalok ad kamolol e kin jibadbad ko an. Bõtab, ta elañe jen kar notaiki e kin likjap ko an ak keiri e ilo jab emõn ibben ro jet rar lotok congregation eo? Menin einlok wõt, juõn men eo ej kokkure buru. Ear jab juõn menin kaketak Paul ilo an roñ kin ennotata ko kin jerbal eo an. Alikar, jet Christian ro ilo Korint rar kwalok jet nan in notaiki ko kin baotokin im an maroñ konono. E make ear elij ennotata kein einwõt air ba: “Bwe letter ko an, re ba, eor kobair im re kajur, a an enbwin ber e mõjino im an konono jekron.” (2 Korint 10:10) Ak ekamõnõnõ, bwe traveling overseer ro ekkã wõt air roñ nan in yokwe im kamolol ko.

15, 16. Ewi wãwen an traveling overseer ro im kõrã ro beleir eñjake yokwe im kijejeto eo ri tõmak ro mõttair rej kalikare?

¹⁵ Juõn circuit overseer ilo Latin America ej etetal aolepen ran eo ilo an mõk im uõta ilo ial aidik ko rebedkat ñõn an lolok maan im kõrã ro jein im jatin ilo jitõb ilo juõn jikin eo ej bed iumin maroñ eo an jar in ri tarinae ro rej kõmmõn kiojaljal. “Ej menin aõ emmakit in lo wãwen an ro jeiõ im jatiõ kwalok air kamolol kin lolok eo,” leo ej jeje. “Meñe iar aikwij elap jibadbad ñõn tõbraklok ijo, jelmae elõñ kauatata ko im iñtan ko, aolepen menin yokwe im kijejeto eo an ro jeiõ im jatiõ rar kwalok ear nawõnãn.”

¹⁶ Juõn circuit overseer ilo Africa ej jeje: “Kin wõt yokwe eo an ro jeiõ im jatiõ rar kwalok ñõn kim, elap am kar yokwe territory eo ilo Tanzania! Ro jeõm im jatõm rar bojak in katak jen kim, im rar mõnõnõ kin am kar bed ibbeir ilo moko imwir.” Ear wor juõn kõtan yokwe im mõnõnõ ikõtan ri jilek Paul im Christian ri belele ro Aquila im Prisca ilo ebeben eo kein kajuõn. Ilo mol, Paul ear ba kin ir: “Komin yokyokwe ñõn Priska im Akula, dri jerbal ro ibba ilo Kraist Jisõs, ro rar janilik kin kenwair bwe in mour wõt, e jab ña wõt ij kamolol ir a bareinwõt eklisia otemjej an dri ailiñ ko.” (Rome 16:3, 4) Traveling overseer ro im kõra ro beleir rej kamolol bwe ewor ro jerair einwõt Aquila im Prisca ro ilo ran kein ro rej kwalok juõn jibadbad eo einjuõn ñõn kwalok karuwainene im kõmmõn rejtair.

Kakajurlok Congregation ko

17. Etke jemaroñ ba bwe ewor meletlet ilikin karõk eo ñõn traveling overseer ro, im ia eo rej bõk air katak jene?

¹⁷ Jesus ear ba: “Im kowanik jelalokjen kin jerbal ko an.” (Matthew 11:19) Meletlet eo ilikin karõk eo kin traveling-overseer ej alikar ilo an jibañ kakajurlok congregation ko an armij ro an Anij. Ilo trip in missionary eo kein karuo an Paul, e im Silas ilo jerammõn rar “illok ilujen Syria im Cilicia, im kakajurlok congregation ko.” Book in Jerbal ej jiroñ kij: “Im ke rej etal lok ilo jikin kwelok ko rej lelok ñõn ir kien ko bwe ren lale, ro ri jilek im elder ro rej bed i Jerusalem rar kaiñi. Kin menin, emol, congregation ko rar binlok ilo tõmak im orair ej orlok jen ran ñõn ran. (Jerbal 15:40, 41; 16:4, 5 NW) Traveling overseer ro ilo ran kein rej bõk kakabilek ilo jitõb ikijen Jeje ko im book ko an “dri korejar eo etiljek im meletlet,” einwõt bar aolep Christian ro jet.​—Matthew 24:45.

18. Ewi wãwen an traveling overseer ro kakajur congregation ko?

¹⁸ Aet, traveling elder ro rej aikwij wõnmanlok wõt im mõñã ilo table eo ilo jitõb an Jehovah. Ej aikwij emõn air jela kin kilen ko im ialin tel ko dolul eo an Anij ej lori. Inem kain emaan rot in emaroñ lukkun juõn jerammõn ñõn ro jet. Ikijen joñok eo air emõn in kijejeto ilo jerbal in kwalok nan, remaroñ jibañ ri tõmak ro mõttair bwe en emõnlok air jerbal ilo jerbal in kwalok nan eo an Christian. Katak ko rej bedbed-ion Bible im elder rein rej lotok rej kwaloki rej kalek ilo jitõb ri roñjake ro. Air jibañ ro jet ñõn jerbale nan in kakabilek eo ilo Nan in Anij, menin ej jerbal ilo an errã ibben armij ro an Jehovah ibelakin lõl, im kajerbal menin letok ko ilo jitõb Anij ej kõmmõni ikijen ‘dri korejar eo etiljek,’ traveling overseer ro rej kakajurlok congregation ko rej jerammõn in lolok.

19. Ta kajitõk ko rej bed wõt ñõn etali?

¹⁹ Ke dolul eo an Jehovah ear ejaake jerbal eo an traveling elder ro ibwiljin ri School in Bible ro enañin buki yiõ ko remotlok, journal in ear kwalok: “Jenaj kalimjek in lale tokjen ko renaj walok im tel eo an Iroij manlok.” Tel eo an Jehovah ej lukkun alikar. Kin kajerammõn eo an im iumin lolorjake eo an Governing Body eo, jerbal in ear laplok im kar kametaltõllok iumin elõñ yiõ ko. Tokjen eo, congregation ko an Ri Kennan ro an Jehovah ibelakin lõl rej binlok ilo tõmak eo im ej lõñlok orair jen ran ñõn ran. Alikar, Jehovah ej kajerammõn jitõbõn karmijete eo an rein rej menin letok ko ilo armij. Ak ewi wãwen an traveling overseer ro maroñ lo tõbrak ilo air kõmmõne jerbal eo air? Ta mejenkajjik ko air? Ewi wãwen air maroñ lelok tokjen ko remõntata ñõn congregation ko?

Ewi Wãwen Am Naj Kar Uak?

◻ Ta jet ian eddo ko an circuit im district overseer ro?

◻ Etke traveling overseer ro rej aikwiji an wor juõn jitõbõn karmijetek kõnan?

◻ Ewi wãwen ad maroñ kwalok kamolol kin jerbal eo an traveling elder ro im kõrã beleir?

◻ Ta eo traveling overseer ro remaroñ kõmmõne bwe congregation ko ren bin ilo tõmak eo?

[Pija eo ilo peij 21]

An emakijkij itoitak ej aikwiji juõn jitõbõn karmijetek kõnan

[Pija eo ilo peij 24]

Emwij ke am kwalok am karuwaineneik traveling overseer ro im kõrã ro beleir?