666 Ejjab Baj Juõn Bwinbwin Ittino Wõt

“Ejelok armij en maroñ wiaik ak wiakake, elañe e jab iben kakõlen, aet, etan kiru eo, ak oran etan. Ijin ej meletlet. Eo jelalokjen iben en bwini oran kiru eo bwe ej oran armij im oran ej jiljinobuki jiljinoñoul im jiljino.”​—Reveles̃õn 13:​17, 18.

EIET katak ko ilo Bible rej kaitoklimoen armij joñan wõt kanan eo kin kakõlle, ak ãt eo ittino an “kiru awia eo”​—bwinbwin in 666. Ilo television im Internet eo, ekoba movie, book, im magazine ko, elõñ armij rar antonelok kin ta melelen kakõllan kidu awia eo.

Jet rej tõmak bwe 666 ej kakõllan antichrist eo ilo Bible eo. Ro jet rej ba bwe bwinbwin in ej juõn eo ilo enbwin in armij ak microchip ej aikwij kõnake ekkar ñan kien im ej kwalok e einwõt juõn ri karejaran kidu eo. Bar armij ro rej tõmak bwe 666 ej kakõllan ri tel ro an kabuñ in Catholic. Ilo air kajerbal bwinbwin ko rej naetair Roman numeral ñan bõk jikin letter ko ilo title eo an ri tel in kabuñ in Catholic etan, Vicarius Filii Dei (Eo ej Binej Jenkwon Nejin Anij), im ukukõte bwinbwin ko jidik wõt, rar tõbar bwinbwin in 666. Bareinwõt armij ro jet rej ba bwe kwomaroñ bõk ejja bwinbwin in jen juõn ãt ilo kajin Latin, etan Emperor Diocletian, Iroij in Rome im etan Nero Caesar ñe rej ukõte ñan kajin Hebrew.a

Bõtab, melele kein ekkar ñan lemnak ko an armij, relukkun oktak jen ta eo Bible eo ej ba kin kakõllan kidu awia eo, im jenaj katak kake ilo katak eo tok ilal. Bible eo ej kalikar bwe ro ewõr kakõllan kidu eo ibbeir renaj bõk kwi eo an Anij ñe enaj kajemlok jukjuk im bed in. (Reveles̃õn 14:​9-​11; 19:20) Inem, elõñlok men ko jej aikwiji jen ad baj jelã wõt kin ta melele bwinbwin in 666, eo ej juõn bwinbwin ittino. Emõnõnõ bwe, Jehovah Anij, eo ej joñok eo emõntata ñan yokwe im ej Unjen meram ilo jitõb, ear jab kabiloik ri karejar ro an kin melele in eaorõk.​—2 Timote 3:​16; 1 Jon 1:5; 4:⁠8.

[Kamelele eo itulal]