Program eo Ekãl an Circuit Assembly eo

Alliñ in jenaj lañliñ in bed ilo district convention eo ad, ak jemaroñ reimanlok ñan jerammõn ko relaplok ilo alliñ ko rej itok.

“Kejbãrok Kien ko an Anij im Mour” enaj unin tel eo an circuit assembly program eo ruo ran ko aetokin ilo yiõ in jerbal in. (Jabõn Kennan 4:4) Enaj kalikar etke bokake kien ko an Anij ejjab eddo. Bareinwõt, enaj kwalok ewi wãwen kõmanmõn ankil an Anij ej bõktok kaemololo im mõnõnõ eo emol im bareinwõt kejatdikdik kin ran ko renaj itok.​—Mat. 11:28-30; John 13:17.

Kwoj juõn ian ro renaj baptais ke ilo bokake kien eo an Christ? Elañe ejjab tellokin am baptais ilo district convention eo, bõlen kwomaroñ kõmman bwe ej mejenkajjik eo am ñan am baptais ilo circuit assembly eo ej itok. Konono ibben presiding overseer eo, im enaj kõmmon karõk ko rej men in aikwij.​—Mat. 28:19, 20.

Juõn symposium enaj kamelele kin wãwen ko rekeie jemaroñ kwalok yokwe ñan Anij im ro jeid im jatid. (John 13:34, 35; 1 John 5:3) Nan in kakabilek ko rej kamakit buru jen Psalm 19 im 119 naj kobaiki ilo program eo. Meñe nan in kakabilek ko rekakõrmol ilo psalm kein kar jeje elõñ thousand yiõ ko remotlok, jenaj lo ewi wãwen jemaroñ make bõk tokjen jen e rainin.

District overseer eo enaj kwalok public talk eo etan “Mijak Anij im Kejbãrok Kien ko An.” (Ekl. 12:13) Katak eo eliktata an circuit overseer eo enaj kwalok kin ewi wãwen jodikdik ro remaroñ bõk tokjen eo emõntata jen mour kiõ im etke remaroñ liki kin juõn ilju ej indio. District overseer eo ej kajemlok program eo ilo an kõlajrak tokjen ko relõñ me ej itok jen air mour ekkar ñan “kien elap” kin yokwe. (Jem. 2:8) Emol, assembly program in ej juõn me ejelok juõn en jako jen e!